مختلف دریاؤں میں سیلاب، ڈیموں میں پانی کا ذخیرہ بڑھ گیا

اسلام آباد (ڈیلی پاکستان آن لائن) دریائوں میں پانی کے بہاؤ میں اضافہ نچلے درجے کا سیلاب، ڈیموں میں بھی پانی کا ذخیرہ بڑھ گیا۔

ذرائع کے مطابق دریائے کابل میں نوشہرہ کے مقام پر نچلے درجے کا سیلاب ہے، آج دریاؤں میں پانی کا مجموعی بہائو 3 لاکھ 4 ہزار کیوسک رہا جس سے ڈیمز میں پانی کے ذخیرے میں اضافہ ہو گیا، ندی نالوں میں طغیانی کا خدشہ پیدا ہو گیا۔ڈیمز میں پانی کا ذخیرہ 80 لاکھ ایکڑ فٹ ہے، دریائے سندھ میں تربیلا کے مقام پر پانی کا بہاؤ 1 لاکھ 70 ہزار کیوسک ہے جبکہ تربیلا ڈیم میں پانی کا ذخیرہ 40 لاکھ ایکڑ فٹ ہے۔منگلا ڈیم میں پانی کا ذخیرہ 38 لاکھ ایکڑ فٹ سے زائد ہے، دریائے کابل میں نوشہرہ کے مقام پر پانی کا بہاؤ64 ہزار کیوسک سے زائد ہے۔

بیراجوں میں بھی پانی کے بہاؤ میں اضافہ ہوا ہے، گدو بیراج پر پانی کا بہاؤ 1 لاکھ 47 ہزار کیوسک ہے، سکھر بیراج پر پانی کا بہاؤ82 ہزار کیوسک ہے۔