سارو گنگولی نے ورلڈ کپ 2023 کے لیے ممکنہ طور پر ٹاپ سیمی فائنلسٹ ٹیموں کا نام بتا دیا
ممبئی(ڈیلی پاکستان آن لائن)سارو گنگولی نے ورلڈ کپ 2023 کے لیے ٹاپ سیمی فائنلسٹ ٹیموں کا انتخاب کیا ہے۔سابق بھارتی کپتان گنگولی نے بھارت میں شیڈول آئی سی سی ورلڈ کپ 2023 کے سیمی فائنل میں پہنچنے والی ٹیموں کی پیشگوئی کی ہے۔
گنگولی نے اپنے یقین کا اظہار کیا کہ آسٹریلیا، انگلینڈ اور بھارت سیمی فائنل میں جگہ بنانے کے لیے سب سے آگے ہیں تاہم انہوں نے اس بات پر بھی زور دیا کہ اہم میچوں میں نیوزی لینڈ کو کم سمجھنا ایک غلطی ہوگی۔ انہوں نے امید ظاہر کی کہ پاکستان ٹیم سیمی فائنل راؤنڈ میں جگہ بنا لے گی۔
پاکستانی کرکٹر محمد عباس نے ریورس سوئنگ کرانے کا طریقہ بتا دیا
ان کے مطابق، بھارت بمقابلہ پاکستان کا سیمی فائنل شائقین کرکٹ کے لیے ایک اعزاز ہوگا، خاص طور پر اگر یہ مشہور ایڈن گارڈنز اسٹیڈیم میں ہوا۔ان کا کہنا تھا کہ میں پانچ کا انتخاب کروں گا اور پاکستان کو بھی شامل کروں گا پاکستان بہتر طور پر کوالیفائی کر لے تاکہ ہمارا ایڈن گارڈنز میں بھارت اور پاکستان کا سیمی فائنل ہو۔
