محمد صلاح ورلڈ کپ تک فٹ ہو جائیں گے، مصری کوچ

محمد صلاح ورلڈ کپ تک فٹ ہو جائیں گے، مصری کوچ

قاہرہ(آئی این پی) مصر کی فٹبال ٹیم کے کوچ ہیکٹر کپر کا کہنا ہے کہ اسٹار کھلاڑی محمد صلاح فیفا ورلڈ کپ تک فٹ ہو سکتے ہیں لیکن یہ بھی حقیقت ہے کہ ہم صرف اس امید پر انحصار نہیں کر سکتے ۔ چیمپیئنز لیگ کے فائنل میں انجری کا شکار ہونے والے صلاح ان دنوں بحالی کے عمل سے گزر رہے ہیں اور ان کی فٹنس مصری ٹیم کیلئے خصوصی اہمیت رکھتی ہے۔کوچ کا کہنا تھا کہ محمد صلاح کا معاملہ اپنی جگہ لیکن مصری ٹیم کو ان کے بغیر بھی کھیلنے اور جیتنے کی راہ تلاش کرنا ہوگی۔ہم صرف صلاح پر انحصار نہیں کر سکتے اور نہ ہی کرنا چاہتے ہیں۔مجھے یقین ہے کہ صلاح پوری طرح فٹ ہو جائیں گے لیکن کوئی بھی مقابلہ کبھی کسی ایک کھلاڑی کے بل پر نہیں جیتا جاسکتا کیونکہ ہم ٹیم گیم کھیل رہے ہیں۔ ہیکٹر کا کہنا تھا کہ یہ سب کچھ کھیل کا حصہ ہے اور کسی بھی کھلاڑی کے ساتھ رونما ہو سکتا ہے اس لئے زیادہ پریشانی کی ضرورت نہیں ۔

مزید : کھیل اور کھلاڑی

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...