کورونا وائرس کی وبا ء دنیا کی معیشت کے لیے تبا ہ کن ثابت ہوئی: عالمی بینک

  کورونا وائرس کی وبا ء دنیا کی معیشت کے لیے تبا ہ کن ثابت ہوئی: عالمی بینک

  

نیویارک (این این آئی)عالمی بینک کے صدر ڈیوڈ میلپاس نے کہاہے کہ کورونا وائرس کی عالمی وبا عالمی معیشت کیلئے ’تباہ کن‘ ثابت ہوئی ہے۔غیرملکی خبررساں ادارے کے مطابق ایک بیان میں انھوں نے خبردار کیا کہ اربوں افراد اس عالمی وبا کے نتیجے میں اپنے روزگار سے ہاتھ دھو بیٹھیں گے۔انھوں نے کہا کہ اس وبا کے معاشی اثرات ایک دہائی تک رہیں گے۔گذشتہ ماہ میلپاس کی جانب سے خبردار کیا گیا تھا کہ چھ کروڑ افراد کورونا وائرس کی عالمی وبا کے باعث شدید غربت کا شکار ہو جائیں گے۔عالمی بینک کے مطابق شدید غربت کا مطلب ایک اعشاریہ نو ڈالر فی کس یومیہ پر گزارا کرنا ہے۔تاہم ایک انٹرویو میں انھوں نے کہا کہ کم از کم چھ کروڑ افراد صرف ایک اعشاریہ دو ڈالرز یومیہ پر گزارا کرنے پر مجبور ہو جائیں گے۔

عالمی بینک

مزید :

صفحہ اول -