شرجیل میمن کا سرکاری کوروناٹیسٹ مثبت اور نجی لیبارٹری سے منفی نکل آیا

      شرجیل میمن کا سرکاری کوروناٹیسٹ مثبت اور نجی لیبارٹری سے منفی نکل آیا

  

کراچی(مانیٹرنگ ڈیسک) سندھ میں سرکاری سطح پر کورونا ٹیسٹنگ کٹس پر ایک بار پھر سوالیہ نشان لگ گیا، رکن سندھ اسمبلی شرجیل میمن کی ایک ہفتے کے دوران تین کورونا ٹیسٹ رپورٹس کے نتائج مختلف نکل آئے۔رپورٹ کے مطابق شرجیل میمن نے 28 مئی کو کورونا وائرس کا ٹیسٹ کرایا جو کہ منفی آیا جس کے بعد سندھ اسمبلی اجلاس میں شرکت کے لیے گئے جہاں انہوں نے دوسری مرتبہ ٹیسٹ کروایا جو مثبت نکل آیا۔ ذرائع کے مطابق اسمبلی میں کورونا ٹیسٹ سرکاری سطح پر کروایا گیا تھا جس کے بعد شرجیل میمن نے خود کو گھر میں آئیسولیٹ کرلیا۔خود کورونا ٹیسٹ مثبت ہونے کی شرجیل میمن نے بھی تصدیق کی تاہم ایک روز قبل شرجیل میمن نے کراچی کے آغا خان ہسپتال سے کورونا ٹیسٹ کروایا جس کی رپورٹ انہیں اتوار کی شام موصول ہوئی جو کہ منفی تھی۔ذرائع کے مطابق شرجیل میمن کے صاحبزادے سمیت گھر کے دیگر 9 افراد کے ٹیسٹ نتائج بھی منفی آئے ہیں۔ایک ہفتے کے دوران شرجیل میمن کے کورونا وائرس ٹیسٹ رپورٹ کے مختلف نتائج نے سرکاری سطح پر ہونے والے ٹیسٹ کی ساکھ پر سوالیہ نشان لگادیا ہے۔

شرجیل میمن ٹیسٹ

مزید :

صفحہ اول -