عوام کورونا وائرس کی روک تھام کیلئے قواعد وضوابط کو سمجھیں، صدر مملکت

  عوام کورونا وائرس کی روک تھام کیلئے قواعد وضوابط کو سمجھیں، صدر مملکت

  

اسلام آباد (مانیٹرنگ ڈیسک) صدر مملکت ڈاکٹر عارف علوی نے عوام پر زور دیا ہے کہ وہ کورونا وائرس کی روک تھام کے لئے قواعد وضوابط کو سمجھیں اور ان پر عمل کریں۔ایک ٹویٹ میں صدر نے اکانومسٹ میں شائع ہونے والی ایک جائزہ رپورٹ کا حوالہ دیا جس سے ظاہر ہوتا ہے کہ پاکستانی دنیا میں اس بات پر سب سے زیادہ یقین رکھتے ہیں کہ کورونا وائرس کو دانستہ طور پر نہیں پھیلایا جا رہا۔اس سال مارچ میں کئے گئے جائزے کے مطابق 72 فیصد پاکستانیوں نے اس اعتماد کا اظہار کیا ہے کہ کسی بھی غیر ملکی فوج نے جان بوجھ کر وائرس نہیں پھیلایا بلکہ یہ قدرتی طور پر پیدا ہوا ہے۔یہ جائزہ رپورٹ سوئٹزرلینڈ، جرمنی، برطانیہ، امریکہ، جاپان، بھارت، ملائیشیا، روس، فرانس، اٹلی، کوریا، ترکی اور چند دوسرے ممالک سمیت دنیا کے اٹھائیس ملکوں میں کرائی گئی ہے۔صدر مملکت ڈاکٹر عارف علوی نے کہا کہ اگر ہم حقائق پر یقین رکھتے ہیں تو ہمیں قواعد وضوابط پر یقین رکھنا اور ان پر عملدرآمد کرنا چاہیے۔

صدر مملکت

مزید :

صفحہ آخر -