امریکا میں نسل پرستی کیخلاف مظاہرہ کرنےوالوں پر کار چڑھادی گئی اور پھر۔۔۔

امریکا میں نسل پرستی کیخلاف مظاہرہ کرنےوالوں پر کار چڑھادی گئی اور پھر۔۔۔
امریکا میں نسل پرستی کیخلاف مظاہرہ کرنےوالوں پر کار چڑھادی گئی اور پھر۔۔۔

  

سیاٹل(ڈیلی پاکستان آن لائن)امریکا میں ایک مشتعل شخص نے نسل پرستی کے خلاف احتجاج کرنے والوں پر کارچڑھ ادی  اور پھر فائرنگ بھی کی جس پر نہ صرف مظاہرین بلکہ پولیس بھی میدان میں آگئی اور اسے گرفتار کرلیا۔

خبررساں ادارے رائٹرز کے مطابق واقعہ امریکی ریاست واشنگٹن کے شہر سیاٹل کے علاقہ پائن میں پیش آیا۔

سماجی رابطے کی ویب سائٹ پر واقعے کی تصدیق کرتے ہوئے سیاٹل پولیس نے بتا یا کہ کارچڑھنے سے ایک شخص زخمی ہوا ہے جبکہ ملزم کو گرفتار کر کے جیل منتقل کردیا گیاجہاں اس سے سے تحقیقات جاری ہیں۔

خیال رہے 25مئی کو امریکہ میں ایک سیاہ فام شہری جارج فلائیڈ کے پولیس کے ہاتھوں قتل کے بعد سے احتجاجی مظاہروں کا سلسلہ جاری ہے اور امریکہ بھر میں ہزاروں افراد ان مظاہروں میں شرکت کررہے ہیں۔ مظاہروں کی وجہ سے حکومت کو کئی علاقوں میں کرفیو نافذ کرکے فوج طلب کرنا پڑی۔

مظاہرین کا مطالبہ ہے کہ پولیس میں اصلاحات کی جائیں اور نظام انصاف کو مزید بہتر بنایا جائے۔

مزید :

بین الاقوامی -