ٹیسٹ چیمپئن شپ کے فائنل کا دوسرا دن بھی آسٹریلیا کے نام

اوول(ڈیلی پاکستان آن لائن)آسٹریلیا اور بھارت کے درمیان جاری آئی سی سی ٹیسٹ چیمپئن شپ کے فائنل میں ٹیسٹ میچ کا دوسرا دن بھی کینگروز کے نام رہا۔

دوسرے دن کھیل کے اختتام پر بھارت نے آسٹریلیا کے پہلی اننگز کے 469 رنز کے جواب میں  5 وکٹوں کے نقصان پر 151 رنز بنالیے۔اجینکیا رہانے 29 اور سریکار بھارت 5 رنز بناکر کریز پر موجود ہیں۔اس کے علاوہ روہت شرما 15، شبمن گل 13، پجارا اور ویرات کوہلی 14،14 رنز بناکر آؤٹ ہوئے جبکہ رویندرا جڈیجا نے 48 رنز کی اننگز کھیلی۔ 

 آسٹریلیا کی جانب سے سٹارک، کمنز، بولینڈ، کیمرون گرین اور نیتھن لائن نے ایک ایک وکٹ حاصل کی۔بھارت کو آسٹریلیا کی پہلی اننگز کا خسارہ ختم کرنے کے لیے مزید 318 رنز درکار ہیں۔ آسٹریلیا نے ٹیسٹ میچ کے دوسرے دن کا آغاز  3 وکٹوں کے نقصان پر327 رنز سے کیا تو اسٹیو اسمتھ نے شاندار سنچری اسکور کی جبکہ ٹریوس ہیڈ نے بھی 150 رنز کا سنگِ میل عبور کیا۔تاہم ٹریوس ہیڈ 163 اور اسٹیو اسمتھ کے 121 رنز بناکر آؤٹ ہوگئے، آسٹریلیا کی پوری ٹیم پہلی اننگز میں 469 رنز بناکر آؤٹ ہوگئی۔  الیکس کیری 48 اور ڈیوڈ وارنر نے بھی 43 رنز کی اننگز کھیلی۔بھارت کی جانب سے محمد سراج نے 4، محمد شامی اور ٹھاکر نے 2، 2 وکٹیں حاصل کیں۔