ورلڈ کپ کے حوالے سے شاہدہ منی کا گیت سوشل میڈیا پرچھا گیا

ورلڈ کپ کے حوالے سے شاہدہ منی کا گیت سوشل میڈیا پرچھا گیا
ورلڈ کپ کے حوالے سے شاہدہ منی کا گیت سوشل میڈیا پرچھا گیا

  

لاہور (فلم رپورٹر)میلوڈی کوئین پرائڈ آف پرفارمنس گلوکارہ شاہدہ منی نے ورلڈ کپ کے نئے گانے کی تیاری شروع کردی۔گلوکارہ شاہدہ منی نے ورلڈ کپ کا نغمہ’’چھکے پہ چھکا‘‘ سب سے پہلے تیار کیا تھا جس کے ویڈیو نے سوشل میڈیا پر دھوم مچا دی اور حالیہ ورلڈ کپ کے دوران 20لاکھ کے قریب لوگوں نے اسے دیکھا اور پسند کیا۔جس کے بعد اب اداکارہ ورلڈ کپ کے لیے ایک نیا نغمہ تیار کرنے میں مصروف ہیں ۔شاہدہ منی کاکہناتھا کہ پاکستانی کرکٹ ٹیم کی کارگردگی بہترہونے سے واقع میں عوام کی توجہ کرکٹ نغموں پر دوبارہ ہوئی ہے۔میں نے پہلا گانا ورلڈ کپ سے کچھ روز قبل ریلیز کیاتھا جس کو ابھی تک سوشل میڈیا پر 20لاکھ کے قریب افراد نے دیکھا اور پسند کیا ہے۔ میرے لیے یہ خوشی کی بات ہے کہ میں اپنی ٹیم کے حوصلے بڑھانے میں کامیاب ہوئی ہیں۔ میں نے اپنے نغمے میں دیکھایا کہ کیسے ہمارے شیر دیگر ٹیموں کا شکار کررہے ہیں اور خاص کرکے ویڈیو میں جہاں بھارتی خواتین شائقین ہارنے پر رو رہی ہیں اسے ہمارے ہم وطنوں نے بہت سراہا ہے۔میرے پہلے نغمے کے شاعر اور میوزک ڈائریکٹر ساحر علی بگا تھے جبکہ نیا نغمہ بھی وہی تیار کریں گے۔اس کا ویڈیو بھی کوارٹر فائنل کے دوران ریلیز کردیا جائے گا۔میں اب جو نغمہ تیار کررہی ہوں وہ پاکستان کا اب تک کا سب سے بڑا نغمہ ہوگا۔جس کا ویڈیو میں بہت مہنگے اور قیمتی سیٹ لگوائے جائیں گے۔قومی ٹیم اگر ورلڈ کپ میں جیت برقرار رکھے تو عوام کی خوشیاں دوبالا ہوجائیں گی۔

مزید :

کلچر -