چیئرمین سینیٹ کے انتخاب سے قبل الیکشن کروائے جائیں ، فاٹا کے سینیٹر کی مولانا فضل الرحمان سے ملاقات میں مطالبہ

اسلام آباد ( مانیٹرنگ ڈیسک ) فاٹا سے سینیٹ انتخابات میں حصہ لینے والے آزاد اراکین نے جمعیت علماءاسلام ف کے سربراہ مولانا فضل الرحمان سے ملاقات کی ہے جس میں سینیٹرز نے مولانا فضل الرحمان سے درخواست کی ہے کہ وہ حکومت پر دباﺅ ڈالیں تاکہ چیئرمین سینیٹ کے انتخاب سے قبل فاٹا میں بھی سینیٹ انتخابات کروائے جا سکیں۔مولانا فضل الرحمان سے ملاقات میں فاٹا سے سینیٹ کے امیدواروں کی جانب سے درخواست کی گئی ہے کہ چیئرمین سینیٹ کے انتخاب میں فاٹا کی نمائندگی نہ ہونا ان کے ساتھ زیادتی ہے اور اس انتخاب سے قبل فاٹا میں سینیٹ کا الیکشن کروایا جائے تاکہ وہاں سے تعلق رکھنے والے 4 سینیٹرز بھی اپنا حق رائے دہی استعمال کر سکیں۔یاد رہے فاٹا میں ہارس ٹریڈنگ کی اطلاعات کے بعد صدارتی آرڈینینس کے تحت وہاں کے الیکشن ملتوی کر دیے گئے تھے تاہم حکومت اب وہ آرڈینینس واپس لینے پر بھی غور کر رہی ہے۔

خاتون وزیر اعظم نے بھی عورتوں کو ان کا حق نہ دیا ،میں نے خواتین کو بااختیار بنایا : پرویز مشرف