محمد عامر اگلے میچ سے قبل کراچی کنگز کو جوائن کرلیں گے

محمد عامر اگلے میچ سے قبل کراچی کنگز کو جوائن کرلیں گے
 محمد عامر اگلے میچ سے قبل کراچی کنگز کو جوائن کرلیں گے

  

کراچی(یواین پی)محمد عامر اگلے میچ سے قبل کراچی کنگز کے اسکواڈ کو جوائن کرلیں گے۔کراچی کنگز کے فاسٹ بولر محمد عامر اتوار کو نیشنل سٹیڈیم میں کوئٹہ گلیڈی ایٹرز کے خلاف میچ سے قبل کراچی کنگز کے اسکواڈ کو جوائن کرلیں گے، پیسر اپنی والدہ کی علالت کے باعث 4 مارچ کو ہی دبئی سے پاکستان واپس آ گئے تھے، یو اے ای میں کراچی کنگز کے آخری لیگ میچ میں ٹیم ان کے بغیر ہی ملتان سلطانز کے خلاف میدان میں اتری۔بعدازاں اسی رات محمد عامر کی والدہ کا انتقال ہو گیا تھا، پیسر جمعہ کی رات یا ہفتہ کو کراچی پہنچ کر اپنی ٹیم کو دوبارہ جوائن کر لیں گے۔ کراچی کنگز کے لیگ مرحلے کے 2 میچ باقی ہیں، پہلے مقابلے میں اتوار کو کوئٹہ گلیڈی ایٹرز، دوسرے میں پیر کو پشاور زلمی کا چیلنج درپیش ہوگا۔ پلے آف مرحلے تک رسائی کیلئے کراچی کنگز کا کم از کم ایک میچ جیتنا ضروری ہے۔

مزید : کھیل اور کھلاڑی