مودی کا وزیر اعظم ہونا، وزارت عظمیٰ کی تذلیل ہے،ممتا بینر جی

مودی کا وزیر اعظم ہونا، وزارت عظمیٰ کی تذلیل ہے،ممتا بینر جی

کلکتہ(آئی این پی)بھارتی ریاست مغربی بنگال کی وزیراعلی ممتا بینر جی نے مودی کا وزیراعظم ہونا اس عہدے کی تذلیل قرار دیدیا، انہوں نے بھارتی میڈیا کو بھی سچ چھپانے پر تنقید کا نشانہ بنایا اور کہا کہ جمہوریت میں میڈیا کا ایساکردار نامناسب ہے ۔وزیراعظم مودی پر کڑی تنقید کرتے ہوئے ممتا بینرجی نے کہا کہ الیکشن جیتنے کیلیے جوانوں کے خون پر سیاست کی اجازت نہیں دی جاسکتی، وہ سزا سے ڈرے بغیر یہ سوال کرتی رہیں گی کہ پلوامہ واقعہ کیوں کر ہوا۔جمعرات کو بھارتی میڈیا کے مطابق انہوں نے کہا کہ انٹیلی جنس اطلاعات کے باجود جانیں بچانے کی کوشش کیوں نہ کی گئی، اس سب کا ذمہ دار کون ہے؟ممتا بینر جی کا کہنا تھا کہ مودی اور امیت شاہ نے بی جے پی کو پرائیوٹ کمپنی بنالیا ہے، جو کوئی بی جے پی پر تنقید کرے اسے پاکستانی اور ملک و قوم کا دشمن ٹہرادیا جاتا ہے۔مودی کی حمایت کرنے والے ٹی وی چینلز مصلحت کا شکار ہیں، لیکن افسوس کے اس کے نتیجیمیں عوام حقیقت نہیں جان پار رہے ۔

مزید : کراچی صفحہ اول