سعودی عرب کے5شہروں میں خواتین کے لیے ڈرائیونگ سکولز قائم

سعودی عرب کے5شہروں میں خواتین کے لیے ڈرائیونگ سکولز قائم
سعودی عرب کے5شہروں میں خواتین کے لیے ڈرائیونگ سکولز قائم

  

ریاض(این این آئی)سعودی عرب میں محکمہ ٹریفک کے ڈائریکٹر بریگیڈیئر جنرل محمد بن عبداللہ البسامی کا کہنا ہے کہ مملکت میں خواتین کی ڈرائیونگ سے معلق تمام مطلوبہ امور کی تیاری مکمل کر لی گئی ہے۔

عرب ٹی وی سے بات چیت میں انہوں نے بتایا کہ بعض سعودی جامعات کے تعاون سے خواتین کے لیے کئی ماڈل ڈرائیونگ سکولز بھی متعارف کروا دیے گئے ہیں۔البسامی کے مطابق ریاض، جدہ، دمام، مدینہ منورہ اور تبوک میں خواتین کے لیے5 ڈرائیونگ اسکولز کو کام کرنے کی اجازت دی گئی ہے، علاوہ ازیں مملکت کے دیگر شہروں میں بھی ان سکولز کے افتتاح پر غور کیا جا رہا ہے۔شعبہ ٹریفک کے سربراہ نے بتایا کہ جن جامعات کے تعاون سے ڈرائیونگ سکولز کے قیام کے منصوبے پر عمل جاری ہے وہ مملکت میں خواتین کو اعلی سطح پر ڈرائیونگ کی تعلیم دینے کے لیے پر عزم ہیں۔ اس سلسلے میں تربیتی مراکز بین الاقوامی معیار کے حامل ہوں گے۔ انہوں نے بتایا کہ جامعات کی طالبات کو تعلیم کے اوقات میں ہی ڈرائیونگ کی تربیت دی جائے گی اور انہیں اس کے لیے علاحدہ سے وقت نکالنے کی ضرورت نہیں ہو گی۔

مزید :

عرب دنیا -