پاکستان ورلڈکپ 2018 کیلئے فٹ بال فراہم کرے گا، وزارت تجارت

پاکستان ورلڈکپ 2018 کیلئے فٹ بال فراہم کرے گا، وزارت تجارت

  

اسلام آباد(نیٹ نیوز) پاکستان اس سال موسم گرما میں روس میں منعقد ہونے والے ’’فیفا‘‘ عالمی کپ 2018 میں استعمال ہونے والے فٹ بال فر اہم کرے گا۔وزارت تجارت نے فٹ بال کے عالمی کپ میں استعمال ہونے والے آفیشل فٹ بالز ٹیل سٹار اور ایمرجنگ پاکستان کے بارے میں خصوصی تقریب کا انعقاد کیا۔ سیالکوٹ کی ’’ فارورڈ اسپورٹس‘‘ نامی فرم ٹیلی سٹار 18نامی فٹ بال فراہم کر رہی ہے ۔سیکریٹری تجارت نے تقریب کے شرکاء کو وزارت تجارت کے ابھرتا پاکستان، شروعات کے تصور اور عمل درآمد کے بارے میں بتایا اور کہا کہ وزیراعظم نے 9 نومبر 2017 میں ’’ایکسپو پاکستان‘‘ میں ’’ ابھرتا پاکستان ، شروعات کی رونمائی کی تھی اور اس موقع پرکراچی میں85 ممالک سے تعلق رکھنے والے 700 غیرملکی مندوبین بھی موجود تھے۔

انہوں نے کہا کہ جس طرح برانڈ امیج کی کاروبار میں بڑی اہمیت ہوتی ہے اسی طرح عالمی سطح پر تجارت اور کاروبار میں ملک کی بھی بڑی اہمیت ہوتی ہے، ہم پاکستان کی عالمی سطح پر کوئی منفی تاثر یا پہچان نہیں چاہتے اس لیے ہم ابھرتا پاکستان کے ذریعے پاکستان کی مثبت اور بہتر ساکھ پیدا کرنا چاہتے ہیں۔

مزید :

کھیل اور کھلاڑی -