الیکشن کمیشن کا آن لا ئن سکروٹنی سسٹم تیار کرنے کا فیصلہ

الیکشن کمیشن کا آن لا ئن سکروٹنی سسٹم تیار کرنے کا فیصلہ

  

اسلام آباد (این این آئی)الیکشن کمیشن آف پاکستان نے عام انتخابات میں امیدواروں کی جانچ پڑتال کے عمل کو شفاف بنانے کیلئے فیصلہ کیا ہے کہ نادرا آن لائن سکروٹنی سسٹم کا سافٹ ویئر تیار کرے گا۔ نیب، ایف بی آر، ایف آئی اے، سٹیٹ بینک اور الیکشن کمیشن کے علاوہ ریٹرننگ افسران نظام سے منسلک،سافٹ ویئر کے ذریعے تمام امیدواروں کے کوائف نادا کو فراہم کئے جائیں گے۔ پیر کو الیکشن کمیشن سیکر ٹریٹ میں چیف الیکشن کمشنر جسٹس (ر) سردار محمد رضا کی صدارت میں اہم اجلاس منعقد ہوا جس میں الیکشن کمیشن کے سیکرٹری و ممبران، ناد ر ا ، سٹیٹ بینک، ایف بی آر، نیب، پیپکو، سوئی گیس اور ایف آئی اے کے افسران نے شرکت کی۔ اجلاس کا مقصد عام انتخابات 2018ء میں امیدواروں کے کاغذات نامزدگی کی آن لائن جانچ پڑتال کیلئے ایسا نظام تیار کرنا ہے جس کے تحت نیب ایف بی آر، ایف آئی اے، سٹیٹ بینک، الیکشن کمیشن سے لنک ہوں تاکہ امیدواروں سے متعلق ضروری معلومات تمام ریٹرننگ افسران کو مہیا کی جا سکیں، اس نظام کا مقصد امیدواروں کی جانچ پڑتال کے عمل کو شفاف بنانا ہے۔ اجلاس میں فیصلہ کیا گیا نادرا آن لائن سکروٹنی سسٹم کا سافٹ ویئر تیار کریگا ۔ اس سافٹ ویئر کی الیکشن کمیشن سے منظوری کے بعد نیب، ایف بی آر، ایف آئی اے، سٹیٹ بینک اور الیکشن کمیشن اس نظام سے منسلک ہو جائیں گے اورسافٹ ویئر کے ذریعے تمام امیدواروں کے کوائف نادرا کو فراہم کئے جائیں گے۔ نادرا امیدواروں سے متعلق معلومات الیکشن کمیشن اور دیگر اداروں کو فراہم کرے گا اور تمام ادارے ضروری کارروائی کے بعد امیدواروں سے متعلق معلومات الیکشن کمیشن کو دیں گے اور الیکشن کمیشن یقینی بنائے گا تمام ریٹرننگ افسران کو جانچ پڑتال کے دوران یہ معلومات دستیاب ہوں۔

الیکشن کمیشن فیصلہ

مزید :

علاقائی -