پیپلزپارٹی سندھ میں پی ٹی آئی کی مقبولیت سے خوفزدہ ہے،عمران خان
کراچی(ڈیلی پاکستان آن لائن)تحریک انصاف کے چیئرمین عمران خان کا کہنا ہے کہ تحریک انصاف سندھ میں انتہائی تیزی سے مقبول ہورہی ہے پیپلزپارٹی کاحملہ سندھ میں پی ٹی آئی کی مقبولیت سے خوفزدہ ہونے کی علامت ہے۔
سماجی رابطے کی ویب سائٹ ٹوئیٹر پر اپنے ایک پیغام میں پاکستان تحریک انصاف کے چیئرمین عمران خان کا کہنا ہے کہ کراچی میں ہمارے کیمپ پر پیپلز پارٹی کے کارکنان کا حملہ قابل مذمت ہے،تشددکرنےوالوں کےخلاف کارروائی کی جائے،پیپلز پارٹی والے سندھ میں پی ٹی آئی کی بڑھتی ہوئی مقبولیت سے خوفزدہ ہیں۔
واضح رہے گزشتہ رات گلشن اقبال کے حکیم سعید گراﺅنڈ میں پیپلزپارٹی اور پی ٹی آئی کے کارکنا ن میں تصادم ہوا اور کئی کارکنان زخمی ہوئے تھے۔
گزشتہ شب کراچی میں ہمارے جلسہ کیمپ پر پیپلز پارٹی کے کارکنان کا حملہ انتہائی قابل مذمت ہے۔ سندھ حکومت ہمارے لوگوں پر تشدد آزمانے والوں کیخلاف کارروائی کرے۔ پیپلز پارٹی کی مسلح وارداتیں سندھ میں تحریک انصاف کی تیزی سے بڑھتی ہوئی مقبولیت سے خوفزدہ ہونے کی علامت ہے۔
— Imran Khan (@ImranKhanPTI) May 8, 2018
