کورونا وائرس، قومی اسمبلی کے اجلاس میں شرکت کیلیے ارکان پر بڑی پابندی عائد کردی گئی

کورونا وائرس، قومی اسمبلی کے اجلاس میں شرکت کیلیے ارکان پر بڑی پابندی عائد ...
کورونا وائرس، قومی اسمبلی کے اجلاس میں شرکت کیلیے ارکان پر بڑی پابندی عائد کردی گئی

  

کراچی / اسلام آباد (ویب ڈیسک) صدر مملکت نے 11 مئی کو قومی اسمبلی کا اجلاس طلب کرلیا اور اجلاس میں شرکت کے لیےارکان کا کورونا ٹیسٹ کروانا لازم قرار دیا گیا ہے۔

ایکسپریس نیوز کے مطابق قومی اسمبلی کے تمام ارکان کو کورونا ٹیسٹنگ رپورٹ دینا ہوگی۔ ارکان قومی اسمبلی سیشن میں آنے کے لیے اپنی سہولت کے مطابق کورونا ٹیسٹ کرائیں گے۔ارکان قومی اسمبلی کے متعلقہ اضلاع کے ڈپٹی کمشنرز کو کورونا ٹیسٹ کرنے کے لئے اقدامات کرنے کے احکامات بھی جاری کردیے گئے ہیں۔ ڈپٹی کمشنرز ارکان سے رابطہ کرکے کورونا ٹیسٹ کے لیے انتطامات کررہے ہیں۔

سندھ سے تعلق رکھنے والے ارکان قومی اسمبلی کو کورونا ٹیسٹ کے لیے ہدایات موصول ہوگئی ہیں۔ مسلم لیگ ن کے رکن قومی اسمبلی کِھیل داس کی کورونا ٹیسٹ کے احکامات کی تصدیق کردی ہے۔ ان کا کہنا ہے کہ ڈپٹی کمشنر جامشورو نے کورونا وائرس کا ٹیسٹ کرنے کے لیے رابطہ کیا ہے۔ قومی اسمبلی کا اجلاس پیر 11مئی سہ پیر تین بجے طلب کرلیاگیا ہے۔

مزید :

قومی -کورونا وائرس -