سندھ میں 24 گھنٹوں کے دوران کورونا وائرس کے کیسز میں ہوشربا اضافہ، پریشان کن خبر

سندھ میں 24 گھنٹوں کے دوران کورونا وائرس کے کیسز میں ہوشربا اضافہ، پریشان کن ...
سندھ میں 24 گھنٹوں کے دوران کورونا وائرس کے کیسز میں ہوشربا اضافہ، پریشان کن خبر

  

کراچی(ڈیلی پاکستان آن لائن ) سندھ بھر میں 24 گھنٹوں کے دوران مزید 5 افراد کورونا سے جاں بحق ہوگئے جبکہ 598 نئے کیسز سامنے آئے ہیں جن میں کراچی سے سب سے زیادہ 413کیسز رپورٹ ہوئے ہیں۔

تفصیلات کے مطابق وزیراعلیٰ سندھ مراد علی شاہ نے صوبے میں کورونا کی صورتحال سے آگاہ کرتے ہوئے بتایا کہ 24 گھنٹوں میں کورونا کے مزید 5532 ٹیسٹ کیے گئے جو پورے ملک کے کسی بھی صوبے میں سب سے زیادہ ٹیسٹ ہیں، ہماری ٹیسٹنگ صلاحیت 5600 ہوگئی ہے جس پر ہم نے 98 فیصد تک کام کیا ہے، اس طرح کل ٹیسٹوں کی تعداد 81640 ہوگئی ہے۔مراد علی شاہ کا کہنا تھا کہ 598 نئے کیسز میں 413کیسز کا تعلق کراچی سے ہے جہاں ضلع جنوبی سے 107، شرقی 98، وسطی 73 ، ملیر 58، کورنگی 47 اور غربی سے 30 کیسز رپورٹ ہوئے۔

اس کے علاوہ حیدرآباد میں 40، شہید بینظیر آباد 20، شکارپور 11، لاڑکانہ 10، سکھر اور مٹیاری 9، 9، قمبرشہدادکوٹ 8، گھوٹکی 6، سانگھڑ 4، میرپورخاص، بدین اور دادو میں 3-3 کیسز، ٹنڈو محمد خان 2 اور جامشورو میں مزید ایک کورونا کیسز ظاہر ہوئے۔وزیراعلیٰ سندھ نے بتایا کہ گزشتہ 24 گھنٹوں میں مزید 87 افراد صحتیاب ہوئے جس سے صحتیاب ہونے والوں کی تعداد 1940 ہوگئی ہے۔

مزید :

قومی -