عوام حکمرانوں کے خلاف ہرقربانی دینے کو تیار ہیں، سراج الحق
ملتان(پ۔ر)امیر جماعت اسلامی پاکستان سینیٹر سراج الحق نے کہاہے کہ کشمیر پر حکمرانوں کے بزدلانہ اور معذرت خواہانہ رویے نے عوام کو احتجاج پر مجبور کردیاہے۔ عوام حکمرانوں کیخلاف ہر قربانی دینے کے لیے تیار ہیں۔ ان نااہل حکمرانوں میں یہ صلاحیت نہیں کہ طرز حکمرانی بدل(بقیہ نمبر31صفحہ12پر)
سکیں۔ یہ حکومت آئی نہیں لائی گئی ہے۔ اب تو گردو غبار بیٹھ چکاہے اور بچہ بچہ جان گیاہے کہ یہ عوام کی منتخب حکومت نہیں۔ ہم اپوزیشن کا حصہ نہیں بلکہ اصل اپوزیشن ہیں۔ سابقہ اور موجودہ حکومتیں اسٹیٹس کو کی پیداوار اور محافظ ہیں۔ ان کی پالیسیوں میں کوئی فرق نہیں۔ سابقہ اور موجودہ حکومت کی داخلہ و خارجہ اور معاشی پالیسی ایک ہے۔ عوام کو آئی ایم ایف اور ورلڈ بنک کی غلامی کی زنجیروں میں جکڑنے کے لیے سابقہ اور موجودہ حکومتوں نے ایک دوسرے سے بڑھ کر کام کیا۔ کشمیریوں کی دعائیں اب بد دعاؤں میں بدل چکی ہیں۔ ان خیالات کااظہار انہوں نے گوجرانوالہ میں کارخیر تنظیم کے زیراہتمام تقریب تقسیم انعامات سے خطاب اور بعد ازاں میڈیا کے نمائندوں سے گفتگو کرتے ہوئے کیا۔ اس موقع پر امیر جماعت اسلامی صوبہ وسطی پنجاب جاوید قصوری، ضلعی امیر مظہر اقبال رندھاوا اور چیئرمین تنظیم کار خیر ڈاکٹر عبدالماجد حبیب المشرقی بھی موجود تھے۔ سینیٹر سراج الحق نے کہاکہ سابقہ اور موجودہ حکومت سب کا ایک ہی ایجنڈا ہے۔ہم موجودہ حکومت کے ساتھ ساتھ سابقہ حکومتوں میں رہنے والی پارٹیوں کے خلاف بھی احتجاج کرتے رہے ہیں، تمام ملکی مسائل کی ذمہ دار یہی پارٹیاں ہیں۔ ملک میں مہنگائی، بے روزگاری، کرپشن، لوٹ کھسوٹ، غربت، جہالت اور بدامنی انہی لوکوں کے کارنامے ہیں۔ انہوں نے کہاکہ 72سالوں سے ملک پر جاگیردار وں، وڈیروں اور سرمایہ داروں کی حکومت ہے۔ عوام نے نام نہاد جمہوریت اور فوجی آمریتوں کو بھی دیکھا ہے مگر ملک کے مسائل کم ہونے کی بجائے مسلسل بڑھتے رہے ان کے مسلط کردہ استحصالی نظام نے عوام کی پریشانیوں اور مصائب میں اضافہ کیا۔
سراج الحق