اپوزیشن احتساب سے بچنے کیلئے اکٹھی ہوئی، عون حمید ڈوگر

  اپوزیشن احتساب سے بچنے کیلئے اکٹھی ہوئی، عون حمید ڈوگر

  



مظفرگڑھ،خان گڑھ(نامہ نگار) تحریک انصاف کی حکومت کے آنے سے کئی سالوں سے پیدا عوامی مسائل آہستہ آہستہ حل ہو رہے ہیں آج پاکستانی عوام دیکھ رہے ہیں کہ کچھ سیاسی جماعتیں احتساب سے بچنے کے لئے حکومت کے خلاف اکٹھی ہو گئی ہیں ان خیالات کا اظہار مظفرگڑھ سے ممبر(بقیہ نمبر33صفحہ12پر)

صوبائی اسمبلی اور پارلیمانی سیکریٹری پنجاب سردار عون حمید ڈوگر نے الیکٹرانک میڈیا ایسوسی ایشن خان گڑھ کے دفتر میں میٹ دی پریس کے پروگرام سے خطاب کرتے ہوئے کیا انہوں نے کہا کہ پاکستان کے سنئیر سیاستدانوں کی جانب سے ملک کے اداروں کے بارے غیر ضروری بیانات قابل افسوس ہیں ہمیں اپنے تمام اداروں کا احترام کرنا چاہئے ایک سوال کے جواب میں انہوں نے کہا کہ مولانا فضل الرحمٰن کے دھرنا سے کشمیر ایشو عالمی میڈیا سے غائب ہو گیا ہے وزیر اعظم پاکستان عمران خان نے کشمیر ایشو پر جو دلیرانہ موقف اختیار کیا وہ پہلے کیسی سیاستدان نے نہیں کیا صوبائی پارلیمانی سیکرٹری سردار عون حمید ڈوگر نے کہا کہ چند روز قبل ان سمیت 7 ممبران صوبائی اسمبلی نے وزیر اعلیٰ پنجاب عثمان بزدار سے ملاقات کی اور انہیں مظفرگڑھ کے میگا پراجیکٹ ایک یونیورسٹی کے قیام اور علی پور تا مظفرگڑھ روڈ کو ڈبل کرنے کے بارے درخواست کی اور وزیر اعلٰی کو مظفرگڑھ دورہ کی دعوت بھی دی جس پر وزیراعلیٰ پنجاب عثمان بزدار نے جلد مظفرگڑھ کا دورہ کرنے کا وعدہ کیا اور مظفرگڑھ کے لئے میگا پراجیکٹ شروع کرنے کا بھی جلد یقین دلوایا۔انہوں نے کہا کہ وہ اپنے حلقہ پی پی 276 کی جانب بھرپور توجہ دے رہے ہیں کیونکہ ان کا حلقہ پسماندہ ہے وہاں سے منتخب ہونے والے سیاستدانوں نے اس حلقہ کی عوام کے بارے کچھ نہیں کیا انہوں نے ہمیشہ خدمت کی سیاست پر یقین رکھا ہے جس پر عمل کرتے ہوئے انہوں نے پی پی 276 کے لئے 17 سکولز کو آپ گریڈ کروایا ہے اور صاف پانی کے پلانٹس بھی لگوائے ہیں اور رورل ہیلتھ سنٹر شاہجمال میں کروڑوں روپے کی لاگت سے عوام کو مزید صحت کی سہولیات فراہم کرنے کے لئے کام کا آغاز ہوگیا ہے۔ اس موقع پر سردار عون حمید ڈوگر نے الیکٹرانک میڈیا ایسوسی ایشن خان گڑھ کے صحافیوں کے کام کی تعریف کی اور ان کے لئے سرکاری سطح پر ایک دفتر لے کر دینے کا بھی وعدہ کیا اس موقع پر ایس ایچ او تھانہ خان گڑھ سلیم جتوئی بھی موجود تھے الیکٹرانک میڈیا ایسوسی ایشن خان گڑھ کے صدر ملک اجمل لانگ نے صوبائی پارلیمانی سیکریٹری سرار عون حمید ڈوگر کا دفتر پہنچنے پر اپنے ساتھیوں کے ہمراہ استقبال کیا اور ان سے تمام دوستوں کا تعارف بھی کروایا۔

مزید : ملتان صفحہ آخر