پنجاب یونیورسٹی اور برطانوی ادارے کے مابین تحقیق کو فروغ دینے کا معاہدہ

پنجاب یونیورسٹی اور برطانوی ادارے کے مابین تحقیق کو فروغ دینے کا معاہدہ

  



لاہور (لیڈی رپورٹر)پنجاب یونیورسٹی سکول آف بائیولوجیکل سائنسز اور روزالینڈ فرینکلن انسٹیٹیوٹ ہارول کیمپس آکسفوڑد شائر برطانیہ کے درمیان سائنسی وتکنیکی تعلقات کو فروغ دے کرانزائمز کی تیاری اور مختلف شعبوں میں تحقیق کیلئے معاہد ہ طے پا گیا۔ اس سلسلے میں مفاہمتی یاداشت پر دستخط کی تقریب وائس چانسلر پنجاب یونیورسٹی آفس کے کمیٹی روم میں منعقد ہوئی۔ اس موقع وائس چانسلر پنجاب یونیورسٹی پروفیسر نیاز احمد اختر، ڈائریکٹرر وزالینڈ فرینکلن انسٹیٹیوٹ پروفیسر ڈاکٹر جیمز اے نیسمتھ، ڈائریکٹر سکول آف بائیولوجیکل سائنسز پروفیسرڈاکٹر وحید احمداختر، پنجاب یونیورسٹی ڈائریکٹر ایکسٹرنل لنکجزڈاکٹر ثوبیہ خرم و دیگر نے شرکت کی۔ دونوں ادارے باہمی ریسرچ کوفروغ دینے اور سود مند بنانے کیلئے عملی اقدامات کریں گے۔وائس چانسلر پروفیسر نیاز احمد اختر نے پروفیسر ڈاکٹر جیمز نیسمتھ کا شکریہ ادا کرتے ہوئے کہا کہ معاہدہ محققین کو ایک دوسرے کے خیالات اور تجربات جاننے میں ممدو معاون ثابت ہوگا۔

مزید : میٹروپولیٹن 1