اُردوبازار چوک میں تیز رفتار ٹرک بجلی کے کھمبے سے جا ٹکرایا

لا ہور (کرائم رپورٹر) نیو انارکلی کے علاقے ا ردو بازار چوک میں تیز رفتار ٹرک بے قابو ہو کر بجلی کے کھمبے سے جاٹکرایاجس کی وجہ سے بجلی کی تاریں ٹوٹ کرسڑک پر گر گئیں۔ پولیس نے جائے حادثہ کو ہر قسم کی ٹریفک کے لئے بند کر دیا۔حادثے کی وجہ سے بجلی کے تار ٹوٹ کر سڑک پر ہر طرف پھیل گئے جبکہ دیگر کھمبے بھی ٹیڑے ہو کر زمیں کے ساتھ لگ گئے، جس کی وجہ سے ٹریفک کو چوک میں سے گزرنے میں شدید دشواری کا سامنا کرنا پڑا۔متعلقہ انتظامیہ ٹرک کو سڑک سے نہ ہٹا سکی اور نہ ہی تاروں کو سڑک سے ہٹا یا۔ بعد ازاں حادثے کی وجہ سے ٹرک کا اگلا حصہ مکمل طور پر تباہ ہو گیا جبکہ ا ردو بازار سے ملحقہ علاقوں کی بجلی بھی منقطع ہو گئی ہے۔