سڑکوں پر سورج اترا | عادل منصوری |

سڑکوں پر سورج اترا | عادل منصوری |
سڑکوں پر سورج اترا | عادل منصوری |

  

سڑکوں پر سورج اترا 

سایہ سایہ ٹوٹ گیا 

جب گل کا سینہ چیرا 

خوشبو کا کانٹا نکلا 

جسم کے کالے جنگل میں 

لذت کا چیتا لپکا 

کھڑکی نے آنکھیں کھولی 

دروازے کا دل دھڑکا 

دل کی اندھی خندق میں 

خواہش کا تارا ٹوٹا 

پھر بالوں میں رات ہوئی 

پھر ہاتھوں میں چاند کھلا 

شاعر: عادل منصوری

Sarrkon    Par   Sooraj   Utra

Saaya    Saaya   Toot   Gaya

 Jab   Gul   Ka   Seena   Cheera

Khushboo   Ka    Kaanta   Nikla

 Jism   K   Kaaly   Jangal   Men

Lazzat   Ka    Chheeta   Lapka

 

Khirrki   Nay    Aankhen    Kholen

Darwaazay    Ka    Dil    Dharrka

 

Dil   Ki    Andhi     Khandaq   Men

Khaahish    Ka    Taara   Toota

 Phir    Baalon    Men    Raat   Hui

Phir    Hathon    Men    Chaand    Khila

 

Poet: Adil   Mansuri

مزید :

شاعری -رومانوی شاعری -غمگین شاعری -