اورکزئی میں سیکیورٹی فورسز کی کارروائی، 19بھارتی سپانسرڈ خوارج ہلاک،فائرنگ کے تبادلے میں لیفٹیننٹ کرنل جنید عارف ، میجر طیب راحت سمیت 11جوان شہید
پشاور(ڈیلی پاکستان آن لائن)اورکزئی میں سیکیورٹی فورسز کی کارروائی میں 19بھارتی سپانسرڈخوارج جہنم واصل ہو گئے، فائرنگ کے تبادلے میں لیفٹیننٹ کرنل جنید عارف ، میجر طیب راحت سمیت 11جوان وطن پر قربان ہو گئے۔
پاک فوج کے شعبہ تعلقات عامہ آئی ایس پی آر کے مطابق سیکیورٹی فورسز نے اورکزئی میں انٹیلی جنس بیسڈ آپریشن کیا،انٹیلی جنس بیسڈ آپریشن 7اور8اکتوبر کی درمیانی شب کیاگیا،اطلاعات پر کارروائی بھارتی پراکسی فتنہ الخوارج کے ٹھکانے پر کی گئی، آپریشن کے دوران 19بھارتی سپانسرڈ خوارج جہنم واصل ہو گئے۔
آئی ایس پی آر کے مطابق فائرنگ کے تبادلے میں لیفٹیننٹ کرنل اور ایک سکینڈان کمانڈ میجر سمیت 11جوان شہید ہوئے، لیفٹیننٹ کنرل جنید عارف فرنٹ سے ٹیم کی قیادت کررہے تھے،سکینڈان کمانڈمیجرطیب راحت نے بھی جام شہادت نوش کیا۔شہید ہونے والے دیگر 9جوانوں میں نائب صوبیدار اعظم گل، نائیک عدیل حسین، گل امیر شہداء میں شامل ہیں۔
آئی ایس پی آر کے مطابق شہداء میں لانس نائیک شیر خان، لانس نائیک طالش فراز، لانس نائیک ارشاد حسین ،سپاہی طفیل خان، عقب علی اور محمد زاہد بھی شامل ہیں۔
آئی ایس پی آرنے اپنے بیان میں کہا ہے کہ بھارتی حمایت یافتہ خوارجیوں کی تلاش کیلئے علاقے میں آپریشن جاری ہے۔پاکستانی فورسز بھارتی سرپرستی میں چلنے والی دہشتگردی کے خاتمے کیلئے پرعزم ہیں،شہداء کی قربانیاں دہشتگردی کیخلاف عزم کو مزید مضبوط بناتی ہیں۔
