ایشیز سیریز سے قبل آسٹریلوی ٹیم کو بڑا دھچکا، اہم کھلاڑی باہر
دبئی(ڈیلی پاکستان آن لائن)ایشیز سیریز سے قبل آسٹریلوی ٹیم کو بڑا دھچکا لگ گیا۔
آسٹریلوی میڈیا کی رپورٹس کے مطابق کپتان پیٹ کمنز ایشیز سیریز کے پہلے ٹیسٹ میں شرکت نہیں کرسکیں گے۔
رپورٹس میں یہ امکان بھی ظاہر کیا کیا گیا ہے کہ وہ مکمل سیریز میں ہی دستیاب نہ ہوسکیں۔
کمنز کمر کی انجری کے باعث میدان سے دور ہیں اور ان کے تازہ ترین سکین سے یہ ظاہر ہوتا ہے کہ انہیں مکمل صحتیاب ہونے میں ابھی کافی وقت لگے گا۔
رپورٹس کے مطابق سکین میں کچھ بہتری ضرور نظر آئی ہے لیکن کمنز ابھی تک بولنگ کے لیے تیار نہیں ہیں۔
ان کی جگہ سکاٹ بولینڈ کو بطور فاسٹ بولر پلیئنگ الیون میں جگہ ملنے کا امکان ہے۔
پیٹ کمنز کی غیر موجودگی میں اسٹیو اسمتھ کپتانی کے فرائض انجام دیں گے۔
