6روزہ پنجاب انٹرنیشنل تھیٹر فیسٹیول 10اکتوبر سے سجے گا،7 ممالک سے فنکار پرفارم کریں گے
لاہور ( ڈیلی پاکستان آن لائن ) پاکستان کے دل اور علم وادب اور تھیٹر کے گہوارے لاہور آرٹس کونسل الحمراء میں 6روزہ پنجاب انٹرنیشنل تھیٹر فیسٹیول 10اکتوبر سے سجے گا۔فیسٹیول حکومت پنجاب کی فنون لطیفہ کی ترویج وترقی میں گراں قدر خدمات میں ایک اہم اضافہ ہے۔فیسٹیول کی افتتاحی تقریب 10اکتوبر کوہوگی،اس موقع پر ملک کے نامور فوک گلوکار عارف لوہار پرفارم کریں گے۔
فیسٹیول میں شرکت کے لیے عالمی آرٹسٹ پاکستان پہنچنا شروع ہوگئے ہیں۔فیسٹیول دُنیا کے7 ممالک سے آرٹسٹوں کی میزبانی کرے گا۔جن میں چین، فرانس، یونان، ائرلینڈ، جرمنی،Tunisia شامل ہیں۔فیسٹیول میں 6 بین الاقومی پرفارمنسز ہیں،9 نیشنل پرفارمنسز،4 تھیٹر ورکشاپس،5 پینل ڈسکشن کے علاوہ دیگر سرگرمیاں شامل ہونگی۔11اکتوبر کو ماس فاؤنڈیشن اپنا کھیل”دی زیرو لائن“،الحمراء اور اجوکاء کی مشترکہ پیشکش ٗ کھیل”یہ عورتیں کہاں گئیں“ پیش ہوگا،چین کی تھیٹر کمپنی ٗ لینڈ سٹیجنگ اپنا کھیل ”Ugly Dad“ پیش کرے گی۔
12اکتوبر کو ماس فاؤنڈیشن ڈرامہ ”پرماشر سنگھ“اور فرانس کا لاولگا اپنا ڈرامہ ”Monsieur Et Makame O“ پیش کرئے گا۔13اکتوبر کو جی سی ڈرامیٹک کلب اینڈ تھیٹر ری پبلک پاکستان اپنا کھیل ”تو کون“ لے کر آ رہا ہے۔اسی روز یونان کا تھیٹر گروپ TerrArteاپنا ڈرامہ ”Ekthesis“ پاکستانیوں کی نظر کرئے گا۔فیسٹیول اپنی آب وتاب سے آگے بڑھتے ہوئے 14اکتوبر کو دوکھیل لے کر آرہا ہے جس میں یو سی پی ڈرامیٹک سوسائٹی ٗپاکستان اپنا کھیل ”The Knot“ حاضرین کے ذوق کی نذر کرئے گی۔اسی روز کیریٹو گروپ،پاکستان کاکھیل ”Youlida“ فیسٹیول کو چار چاند لگائے گا،ایران سے آئے مہمان آرٹسٹ Oynar Theatre Groupکے زیر سایہ اپنا ڈرامہ ”Antigone“اپنے فن کا مظاہرہ کریں گے۔اس طرح فیسٹیول کے اختتامی روز کو 2 کھیل بین الاقومی فیسٹیول کا حصہ ہونگے۔
فیسٹیول میں پنجاب یونیورسٹی کا ناٹک گروپ بھی بڑھ چڑھ کر شرکت کر رہا ہے جو ایک بامعنی کھیل ”کہو مجھ سے محبت ہے“کو سٹیج کرے گا۔DramaEd,Pakistanاپنا کھیل ”RED“،جبکہ A joint Venture Of Courage Theatre Tunisia and Trinity School Lahore,Pakistan اپنا کھیل ”Shadow Of War“ لے کر آر ہا ہے۔بین الاقومی تھیٹر فیسٹیول میں زبان وادب، فن وثقافت، سماجی تبدیلیاں، فوک روایات، قصہ گوئی، فلم،پروفارمنگ آرٹس کے موضوعات پر اہم سیشنز ہونگے۔پینل گفتگو کے ایک سیشن ”تھیٹر اور مدرلینگویج“ میں وسیم عباس اور سلمان شاہد گفتگو کریں،نشست کو علی عثمان باجوہ ماڈریٹ کریں گے۔”سوشل چینج تھرو تھیٹر اینڈ چیلنجز“ میں سلیمہ ہاشمی، شاہد ندیم اظہار خیال کریں گے،پروفیسر ڈاکٹر احمد بلال نشست کی نظامت کی ذمہ داری نبھائیں گے۔
فیسٹیول کی اہم ادبی وثقافتی مکالمہ ”سوسائٹی اینڈ پرفارمنگ آرٹس“ میں نامور ادیب اصغر ندیم سید، نوید شہزاد ٗ عدیل ہاشمی گفتگو کریں گے۔پنجاب کے فوک تھیٹر کے اہم موضوع پر عوامی گلوکار عارف لوہار،شاہد ندیم ٗ افضل سحر سے ہم کلام ہونگے۔”تھیٹر،فلم اور قصہ گوئی“ میں سرمد کھوسٹ،سویرا ندیم گفتگو کریں،نشست کو رابعہ حسن ماڈریٹ کریں گے۔”میری گڈی دا ویاں“ جیسے منفرد موضوع پر ادبستان پروڈکشن،پاکستان اپنا کھیل پیش کریں گے۔آئرلینڈ سے Murry Molloyایک خصوصی موضوع”Born OF Normal Parents“پر حاضرین کی ندز کریں گے۔
