دلِ ناداں تجھے ہوا کیا ہے؟
دلِ ناداں تجھے ہوا کیا ہے؟
آخر اس درد کی دوا کیا ہے؟
ہم ہیں مشتاق اور وہ بےزار
یا الٰہی یہ ماجرا کیا ہے؟
میں بھی منہ میں زبان رکھتا ہوں
کاش پوچھو کہ مدّعا کیا ہے
جب کہ تجھ بن نہیں کوئی موجود
پھر یہ ہنگامہ اے خدا کیا ہے؟
یہ پری چہرہ لوگ کیسے ہیں؟
غمزہ و عشوہ و ادا کیا ہے؟
شکنِ زلفِ عنبریں کیوں ہے
نگہِ چشمِ سرمہ سا کیا ہے؟
سبزہ و گل کہاں سے آئے ہیں؟
ابر کیا چیز ہے؟ ہوا کیا ہے؟
ہم کو ان سے وفا کی ہے امّید
جو نہیں جانتے وفا کیا ہے؟
ہاں بھلا کر ترا بھلا ہو گا
اَور درویش کی صدا کیا ہے؟
جان تم پر نثار کرتا ہوں
میں نہیں جانتا دعا کیا ہے؟
میں نے مانا کہ کچھ نہیں غالب
مفت ہاتھ آئے تو برا کیا ہے
شاعر: مرزا غالب
Dil e Nadaan, Tujhay Hua Kaya Hay
Aakhir Iss Dard Ki Dawaa Kaya Hay
Ham Hen Mushtaq Aor Wo Bezaar
Yaa Elaahi Yeh Maajra Kaya Hay
MAin Bhi Munh Mem Zubaan Rakhta Hun
Kaash Poochen Keh Mudaa Kaya Hay
Jab Keh Jujh Bin Nahen Koi Mojood
Phir Yeh Hangama Ay KHUDA Kaya Hay
Yeh Pari Chehra Log Kaisay Hen
Ghamz o Ushwa o Adaa Kaya Hay
Shikan e Zulf e Amnbareen Kiun Hay
Nigh e Chasshm e Surma Saa Kaya Hay
Sabza o Gull Kahan Say Aaey Hen
Abr Kaya Cheez Hay , Hawaa Kaya Hay
Ham Ko Un Say Wafa Ki Hay Umeed
Jo Nehen Jaantay Wafaa Kaya Hay
Haan, Bhala Kar , Tira Bhala Ho Ga
Aor Darvesh Ki Duaa Kaya Hay
Jaan Tum Par Nisaar Kartay Hen
Main Nahen Jaanta Dua Kaya Hay
Main Nay Maana Keh Kuch Nahen GHALIB
Muft Haath Aaey To Bura Kaya Hay
Poet: Mirza Ghalib