سلمان خان کو سزا کے بعد کترینہ کیف نے ان کیلئے وہ کام کردیا جو ان کے اپنے گھر والوں نے بھی نہ کیا، بہترین دوستی کا ثبوت دے دیا

سلمان خان کو سزا کے بعد کترینہ کیف نے ان کیلئے وہ کام کردیا جو ان کے اپنے گھر ...
سلمان خان کو سزا کے بعد کترینہ کیف نے ان کیلئے وہ کام کردیا جو ان کے اپنے گھر والوں نے بھی نہ کیا، بہترین دوستی کا ثبوت دے دیا

روزنامہ پاکستان کی اینڈرائیڈ موبائل ایپ ڈاؤن لوڈ کرنے کے لیے یہاں کلک کریں۔

ممبئی (ڈیلی پاکستان آن لائن) بالی ووڈ کے دبنگ اداکار سلمان خان کے کیس کے جمعرات کو آنے والے فیصلے سے قبل ان کی سابق محبوبہ کترینہ کیف نے ان کیلئے مندر میں جاکر دعا کی تاہم سلمان خان کو پھر بھی سزا ہوگئی اور انہیں 2 راتیں جیل میں ہی گزارنا پڑیں۔

سلمان خان اور کترینہ کیف کی دوستی سے ہر کوئی واقف ہے ، دونوں کا کئی سال تک چلنے والا معاشقہ بھی زبان زد عام رہا ہے تاہم علیحدگی کے باوجود دونوں نہ صرف اچھے دوست ہیں بلکہ ایک دوسرے کا بھرپور ساتھ دیتے اور ہر مشکل وقت میں مدد کرتے ہیں ۔ یہی وجہ ہے کہ جمعرات کو سلمان خان کے کالا ہرن شکار کیس کا فیصلہ آنا تھا تاہم کترینہ کیف نے ایک روز پہلے (بدھ کو) سلمان خان کی چھوٹی بہن ارپتا خان کے ساتھ سدھی ونایک مندر جا کر ان کیلئے دعا کی ۔اس موقع پر سلمان خان کا بھانجا آہل بھی ان کے ہمراہ تھا ۔ جب سلمان خان جیل سے رہا ہو کر آئے تو کترینہ کیف سب سے پہلے ان کے گھر پہنچنے والوں میں شامل تھیں۔

واضح رہے کہ جمعرات کو بھارتی ریاست راجھستان کے دارالحکومت جودھپور کی سیشن عدالت نے سلمان خان کو کالا ہرن شکار کیس میں 5 سال قید اور 10 ہزار روپے جرمانے کی سزا سنائی تھی ۔ سلمان خان نے 2 راتیں جیل میں گزاریں تاہم جودھپور ہائی کورٹ نے 50 ہزار روپے کے عوض ان کی درخواست ضمانت منظور کرلی ۔

مزید : تفریح