”میں اپنا معاوضہ واپس کرنا چاہتا ہوں کیونکہ۔۔۔“ شاہین آفریدی نے فواد رانا کو پی ایس ایل کیلئے ملنے والی رقم واپس کرنے کی پیشکش کیوں کی؟ ایسا انکشاف سامنے آ گیا کہ ہر کوئی دنگ رہ گیا، شاہین آفریدی نے پاکستانیوں کے دل جیت لئے
لاہور (ڈیلی پاکستان آن لائن) پاکستان سپر لیگ (پی ایس ایل) تھری کا ایڈیشن ہر لحاظ سے بہترین رہا جہاں شائقین کو سنسنی سے بھرپور مقابلے دیکھنے کو ملے لیکن لاہور قلندرز کی ٹیم کیلئے گزشتہ دو سیزنز کی طرح یہ سیزن بھی انتہائی مایوس کن رہا جسے اپنے پہلے 6 میچوں میں مسلسل شکست کا سامنا کرنا پڑا۔
یہ بھی پڑھیں۔۔۔”پاکستانی یوں ہی کمال نہیں ہیں“آفریدی کو آﺅٹ کرنے پر شاہین آفریدی نے جشن نہیں منایا تھا لیکن کوہلی کو آﺅٹ کرنے پر بھارت ہی کے نوجوان کھلاڑی نے انہیں کیا گالی دی؟ ویڈیو نے سوشل میڈیا پر ایسا ہنگامہ برپا کیا کہ بھارتی شرمندہ ہو گئے، دیکھ کر آفریدی کا سر بھی فخر سے بلند ہو جائے گا
پاکستان کے نوجوان فاسٹ باﺅلر شاہین شاہ آفریدی بھی لاہورقلندرز کی نمائندگی کر رہے تھے اور اب یہ انکشاف ہوا ہے کہ انہوں نے ٹیم کے مالک رانا عاطف کو پی ایس ایل کھیلنے کیلئے ملنے والا معاوضہ واپس کرنے کی پیشکش کی تھی اور اس کی وجہ بھی ایسی سامنے آئی ہے کہ ہر پاکستانی ان کی تعریف کرنے پر مجبور ہو گیا ہے۔
لاہورقلندزکے چیف ایگزیکٹو رانا عاطف نے ایک ٹی وی پروگرام میں گفتگو کرتے ہوئے انکشاف کیا کہ پی ایس ایل تھری کے ابتدائی تین میچوں میں شکست کے بعد شاہین شاہ آفریدی آئے اور معصومیت سے کہا کہ ”میں فواد رانا سے ملنا چاہتا ہوں۔“ جب ان سے ملاقات کی وجہ پوچھی گئی تو ان کا کہنا تھا کہ میں میچوں میں کارکردگی نہیں دکھا پایا اس لئے میں اس رقم کا حقدار نہیں ہوں جو مجھے پی ایس ایل کھیلنے کیلئے دی گئی ہے اور میں وہ واپس کرنا چاہتا ہوں۔“
یہ بھی پڑھیں۔۔۔لاہور قلندرز کی نمائندگی کرنے والے سنیل نارائن نے آئی پی ایل کے اپنے پہلے ہی میچ میں ایسا کام کر دیا کہ شاہ رخ خان بھی ان کے دیوانے ہو گئے، جان کر فواد رانا بے اختیار کہہ اٹھیں گے ”میرے پیار میں کون سی کمی رہ گئی تھی؟“
شاہین شاہ آفریدی سے متعلق یہ انکشاف سامنے آنے کے بعد پاکستانیوں کے دل میں ان کی عزت میں اور بھی اضافہ ہو گیا ہے اور ہر کوئی یہ کہنے پر مجبور ہے کہ پاکستان کا یہ نوجوان کھلاڑی ضرور بڑے بڑے کارنامے دکھائے گا اور پاکستان کا نام دنیا بھر میں روشن کرے گا۔