رنبیر کپور کے مداحوں کیلئے افسوسناک خبر آ گئی ، اداکار شدید بیمار ہو گئے اور ۔۔۔

رنبیر کپور کے مداحوں کیلئے افسوسناک خبر آ گئی ، اداکار شدید بیمار ہو گئے اور ...

ممبئی (ڈیلی پاکستان آن لائن )بالی وڈ اداکار رنیبر کپور نے ٹائیفائڈ کے باعث فلمی مصروفیات سے کنارہ کشی اختیار کرلی ہے۔

تفصیلات کے مطابق رنبیر کپور ان دنوں اپنی نئی آنے والی فلم ’براہم سترا‘ کی شوٹنگ میں مصروف ہیں جس میں ان کے مدمقابل عالیہ بھٹ مرکزی کردار میں نظر آئیں گی۔چاکلیٹی ہیرو نے فلم میں اپنے کردار کی تیاری کے لیے اسرائیل میں بھی تربیت حاصل کی تھی اور مارشل آرٹ کی خصوصی ٹریننگ کے لیے وہ لندن بھی گئے تھے۔لیکن اب رنبیر کپور کو ٹائیفائڈ نے آگھیرا ہے جس کے باعث وہ گھر تک محدود ہوکر رہ گئے ہیں۔اداکار کئی دن سے بخار میں مبتلا تھے اور جب میڈیکل چیک اپ کے دوران ان کے ٹیسٹ کیے گئے تو ٹائیفائیڈ کا مرض تشخیص ہوا جس کی وجہ سے ڈاکٹروں نے انہیں آرام کا مشورہ دیا ہے۔بیماری کے باعث رنبیر نے فلمی مصروفیات سے بھی کنارہ کشی اختیار کرلی ہے جس کی وجہ سے ان کی فلموں کی شوٹنگ بھی رک گئی ہے۔رنبیر کپور بیماری کے باعث سابقہ دوست دپیکا پڈوکون کے ساتھ ریمپ پر واک بھی نہیں کرسکیں گے۔

مزید : تفریح

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...