ہنی مون کے دوران ہی عرب دلہن نے اپنے سے چھوٹے شوہر سے طلاق مانگ لی

ہنی مون کے دوران ہی عرب دلہن نے اپنے سے چھوٹے شوہر سے طلاق مانگ لی
ہنی مون کے دوران ہی عرب دلہن نے اپنے سے چھوٹے شوہر سے طلاق مانگ لی

  

دبئی (ویب ڈیسک) عرب ملک متحدہ عرب امارات میں ایک خاتون نےاپنے ہنی مون کے دوران ایرانی شوہر سے طلاق مانگ لی۔

عرب اخبار البیان کے مطابق ابو ظہبی کی رہائشی ایک خاتون نے اپنے 13 سال چھوٹے شوہر سے ہنی مون کے دوران طلاق مانگ لی۔ خاتون کا کہناہے کہ اُن کے شوہر نے ہنی مون پر انتہائی کنجوسی دکھائی جس کے بعد انہوں نے اپنے شوہر سے طلاق کا مطالبہ کرتے ہوئے ابوظہبی کورٹ میں طلاق کے لیے درخواست دائر کردی۔اس کے علاوہ خاتون نے یہ بھی دعویٰ کیا ہے کہ اُس کے شوہر نے شادی پر بھی کوئی رقم خرچ نہیں کی تھی اور یہاں تک کہ ان کے گھر کا تمام فرنیچر بھی خاتون نےخود خریدا تھا، اتنا سب کرنے کے باوجود اس کا شوہر احسان ماننے کے بجائے اُسے نظر انداز کرتا ہے۔دوران سماعت لڑکی کے وکیل سعود الحج نے کہا ہے کہ شادی کے پہلے ہی روز سے ان کی موکلہ تمام اخراجات برداشت کررہی ہے۔

دوسری جانب خاتون نے اپنے شوہر سے نجات حاصل کرنے کے لیے کورٹ میں اپنے تمام حقوق سے دست برداری کی بھی پیشکش کردی ہے۔میڈیا سے بات کرتے ہوئے خاتون کا کہنا تھا کہ ’میرےشوہر نے ہنی مون کے دوران کسی بھی بل کی ادائیگی نہیں کی اور پانی ،بجلی سمیت تمام بلز مجھ سے جمع کرواتا رہا، اس کے علاوہ گھر کے سامان کے لیے بھی تمام پیسے انہوں نے مجھ سے لیے، جب انہوں نے اپنے شوہر سے بل جمع نہ کروانے کا پوچھا تو انہوں نے کہا کہ اس کے تمام اہم اور ذاتی کاغذات کھو گئے ہیں جس کے باعث وہ بل نہیں جمع کرواسکتے۔

مزید :

ڈیلی بائیٹس -