لاک ڈاؤن، صنعت کاروں نے فیکٹریاں بند کرنا شروع کر دیں

لاک ڈاؤن، صنعت کاروں نے فیکٹریاں بند کرنا شروع کر دیں

  

کراچی(اکنامک رپورٹر)شہر قائد میں کرونا وائرس کی روک تھام کے سلسلے میں لاک ڈاؤن کے نفاذ کے بعد صنعت کاروں نے فیکٹریاں بند کر کے لیبر کو فارغ کرنا شروع کر دیا ہے۔کورنگی میں واقع گارمنٹ ایکسپورٹ کی بڑی فیکٹری نے ملازمین کو نوکری سے فارغ کر دیا ہے، ایک اور فیکٹری آرٹسٹک ملینئرز نے بھی بڑی تعداد میں ملازمین کو فارغ کر دیا۔نوکریوں سے فارغ ہونے والے ملازمین نے حکومت سندھ سے فریاد کرتے ہوئے کہاکہ ان کی مدد کی جائے، ہم بھوکے مر جائیں گے، ملازمین نے کہاکہ ہماری نوکریوں کو وعدے کے مطابق تحفظ فراہم کیا جائے۔متاثرین نے کہاکہ سندھ حکومت نے حکم نامہ جاری کیا تھا کہ کوئی نجی ادارہ یا فیکٹری ملازمین کو نوکری سے نہیں نکالے گی۔ ملازمین نے بتایا کہ مل کے مالک سیٹھ یعقوب نے کہاہے کہ وہ تنخواہیں نہیں دے سکتے اس لیے سب کو فارغ کیا جا رہا ہے۔ادھر سائٹ ایسوسی ایشن آف انڈسٹری نے ایک نوٹفکیشن جاری کرتے ہوئے کہا ہے کہ ہمیں حکومت سندھ اور قانون نافذ کرنے والے اداروں کی طرف سے کہا گیا ہے کہ مکمل لاک ڈاؤن کے پیش نظر صنعتیں لازمی بند رہیں گی، چناں چہ ہم اپنے تمام ممبرز سے گزارش کر رہے ہیں کہ اپنے یونٹس(ضروری صنعت کے علاوہ)مکمل طور پر بند رکھیں۔

مزید :

راولپنڈی صفحہ آخر -