کرپٹ ٹولہ احتساب کے عمل سے نہیں بچ سکتا،ڈاکٹر سیمی بخاری
لاہور(نمائندہ خصوصی)تحریک انصاف کی رکن قومی اسمبلی ڈاکٹر سیمی بخاری نے کہا کہ کرپٹ ٹولہ جو مرضی کر لے احتساب کے عمل سے بچ نہیں سکتا اپوزیشن کے بھگوڑوں اور نوسربازوں کا مستقبل تاریک ہو چکا ہے، حکومت کے خاتمے کا خواب دیکھنے والوں کا آج ہمیشہ کے لئے سیاسی خاتمہ ہوچکا ہے، پی ڈی ایم کا سیاسی ٹائی ٹائینک ہمیشہ کے لئے ڈوب گیا ہے، انہوں نے کہاکہ ملکی حالات میں بہتری مسترد شدہ اور بیروزگار ٹولے کو ہضم نہیں ہو رہی مخالفین پر بلاجواز تنقید نون لیگ کا وطیرہ بن چکا ہے، ہندوستان کشمیریوں اور وہاں بسنے والی اقلیتوں کے لیے دنیا کا خطرناک ملک بن چکا ہے۔
، نریندر مودی مسلسل پاکستان کے خلاف زہر اگل رہا ہے بنگلہ دیش دورہ کے دوران اس نے اپنے خطاب میں پاکستان کو دو لخت کروانے اور بنگلہ دیش بنوانے کا اعتراف جرم کیا ہے جس کی جتنی مذمت کی جائے وہ کم ہے، ہندوتوا کی بڑھتی ہوئی سوچ نے کشمیریوں اور وہاں بسنے والی دیگر اقلیتوں کی زندگی کو اجیرن اور مشکل بنا دی ہے جو لمحہ فکریہ ہے، انہوں نے کہا کہ وزیراعظم عمران خان نے اقوام متحدہ سمیت دیگر بین الاقوامی فورمز پر دنیا کو ہندوستان کی حکومت اور ہندوتوا سوچ کے بارے میں کھل کر بتایا ہے جس کا عالم برادری فوری نوٹس لے اور دباؤ ڈال کر اسے مجبور کرے تا کہ وہ کشمیریوں کو ان کا حق خود ارادیت استعمال کرنے کا موقع دے۔
