ٹیم مینجمنٹ کا اوول ٹیسٹ کیلئے پاکستانی ٹیم میں تبدیلیوں پر غور

ٹیم مینجمنٹ کا اوول ٹیسٹ کیلئے پاکستانی ٹیم میں تبدیلیوں پر غور

اوول (آئی این پی)برمنگھم ٹیسٹ میں شکست کے بعد پاکستان ٹیم مینجمنٹ نے اوول میں ہونے والے آخری اور اہم ٹیسٹ میچ کیلئے فائنل الیون میں متعدد تبدیلیوں پر غور شروع کر دیا ہے ۔ چار ٹیسٹ کی سیریز میں انگلینڈ کو دو ایک سے برتری حاصل ہے ۔سیریز میں شکست سے بچنے کیلیے پاکستان کو جمعرات سے ہونے والا اوول ٹیسٹ لازمی جیتنا ہو گا جس کے لیے ٹیم مینجمنٹ کمبی نیشن کو تبدیل کرنے پر غور کر رہی ہے ۔ محمد حفیظ کو ڈراپ کر کے افتخار احمد کو کھلائے جانے کا امکان ہے جنہیں پانچویں باؤلر کے طور پر بھی استعمال کیا جائیگا ۔اظہر علی جو ایجبسٹن ٹیسٹ میں پہلے ہی اوور میں بیٹنگ کے لیے آئے ان سے اوپننگ کرانے کی تجویز ہے ۔ ٹیم مینجمنٹ پر امید ہے کہ اظہر علی کو کوئی مشکل نہیں ہو گی ۔ مینجمنٹ فاسٹ بولرز محمد عامر اور راحت علی کی پرفارمنس سے بھی مطمئن نہیں ۔

مزید : کھیل اور کھلاڑی