نواز شریف کے استقبال کے لئے قومی خزانے سے اربوں روپے لگائے جا رہے ہیں،غلام محی الدین دیوان
لاہور(نمائندہ خصوصی)تحریک انصاف آزاد کشمیر کے مرکزی جنرل سیکرٹری و ممبر قانون ساز اسمبلی غلام محی الدین دیوان نے اپنی رہائش گاہ پر پارٹی رہنما عرفان عباسی کی قیادت میں آنے والے کارکنوں سے خطاب کرتے ہوئے کہا کہ موجود ہ کرپٹ اور بد دیانت عناصر نے ملک کو نا قابل تلافی نقصان پہنچایا ہے ، نواز شریف کے استقبال کے لئے قومی خزانے سے اربوں روپے لگائے جا رہے ہیں ، نواز شریف کو کینٹینرپرچڑھنے کا اتنا ہی سوچ تھا تو نیا بنوانے کے بجائے پی ٹی آئی سے کینٹینررائے پر لے لیتے ، بچاری قوم کے پیسے ہی بچ جاتے ، انہوں نے کہا کہ نواز شریف ٹولہ ملک کے ساتھ مخلص نہیں ملک میں سازشی ٹولہ حالات خراب کرنے کی سازشیں کر رہا ہے ،
سپریم کورٹ نے نواز شریف کو نا اہل ہی نہیں بد دیانت اور کرپٹ ڈکلئیر کیا ہے اربوں روپے کی اس نے منی لانڈرنگ کی ہے ، نواز شریف صادق اور امین نہیں رہے ، انہوں نے کہا کہ نواز شریف جی ٹی روڈ پر تماشہ لگا کر کس کو پیغام دینا چاہتے ہے گرنے کے لئے گڑھا کھود رہے ہیں ، تحریک انصاف ملکی دولت لوٹنے والے لٹیروں سے پائی پائی کی وصولی تک چین سے نہیں بیٹھے گی ۔