ہمارے شہید ہمارا فخر ہیں :میجر جنرل آصف غفور

ہمارے شہید ہمارا فخر ہیں :میجر جنرل آصف غفور

اسلام آباد(ڈیلی پاکستان آن لائن )ڈی جی آئی ایس پی آر میجر جنرل آصف غفور  نے پیغام جاری کرتے ہوئے کہاہے کہ ہمارے شہید ہمارا فخر ہیں ۔

تفصیلات کے مطابق آصف غفور نے اپر دیر تیمرگرہ میں آپریشن کے دوران شہید ہونے والے میجر اور تین سپاہیوں کو خراج عقیدت پیش کرتے ہوئے کہاکہ ’شہید کی جو موت ہے وہ قوم کی حیات ہے‘،انہوں نے کہا کہ ہمارے شہید ،خاندان ،ادارے اور قوم کا فخر ہیں ۔

واضح رہے کہ اپردیرتیمرگرہ کے علاقے شیروٹ کئی میں فورسزکی جانب سے انٹیلی جنس بیسڈ آپریشن کیا گیا۔ دہشت گردوں نے فورسزکودیکھتے ہی فائرنگ شروع کردی جس کے نتیجے میں میجرعلی سلمان، حوالدارغلام نذیر، حوالدار اختر، سپاہی عبدالکریم شہید ہوگئے۔

مزید : قومی