چیئرمین تحریک انصاف عمران خان کے لیے ایک اور مشکل، سابق چیف جسٹس نے ایسا قدم اٹھا لیا کہ پوری پی ٹی آئی میں کھلبلی مچ گئی

چیئرمین تحریک انصاف عمران خان کے لیے ایک اور مشکل، سابق چیف جسٹس نے ایسا قدم ...
چیئرمین تحریک انصاف عمران خان کے لیے ایک اور مشکل، سابق چیف جسٹس نے ایسا قدم اٹھا لیا کہ پوری پی ٹی آئی میں کھلبلی مچ گئی

  

کراچی (این این آئی) چیئرمین تحریک انصاف عمران خان کے لیے ایک اور مشکل،عمران خان کی بحیثیت وزیراعظم نامزدگی کیخلاف درخواست سندھ ہائی کورٹ میں دائر کردی گئی۔

روزنامہ جنگ کے مطابق عمران خان کی بطور وزیراعظم تقرری کو سندھ ہائی کورٹ مین چیلنج کردیا گیا ہے ۔سابق چیف جسٹس افتخار چوہدری کے سیکرٹری کی جانب سے درخواست دائر کی گئی۔درخواست میں ایڈووکیٹ عبدالوہاب بلوچ نے موقف اختیار کیا کہ درخواست کے فیصلے تک عمران خان کو حلف اٹھانے سے روکا جائے۔

بعدازاں میڈیا سے گفتگو کرتے ہوئے ایڈووکیٹ عبدالوہاب نے کہاکہ ہمارا موقف ہے کہ عمران خان 62 ایف ون کے تحت نااہل ہیں اس لیے وہ پارلیمنٹ کے رکن نہیں بن سکتے۔اس کیس کو ہم ہر فورم پر لیکر جائیں گے۔ہم نے پٹیشن کیساتھ امریکی عدالت کا فیصلہ بھی منسلک کردیا ہے۔انہوں نے کہا کہ عدالت عظمی کے فیصلے تک ہم خود اس کیس کی پیروی کرتے رہیں گے۔انہوں نے کہاکہ عمران خان جب رکن بننے کے اہل نہیں تو وزیراعظم کیسے بن سکتے ہیں۔

مزید : قومی /علاقائی /سندھ /کراچی