صوبائی دارالحکومت کے مختلف علاقوں میں سے 2 افراد کی نعشیں برآمد

لاہور (کرائم رپورٹر)شہر سے 2 لاشیں برآمد ہوئیں،قلعہ گجر سنگھ کے علاقہ لاہور ہوٹل کے قریب فٹ پاتھ سے نامعلوم نوجوان کی لاش برآمد،پولیس نے شناخت نہ ہونے پر نعش مردہ خانے منتقل کر دی۔ پولیس کا کہنا تھا ابتدائی تحقیقات کے مطابق متوفی نوجوان نشے کا عادی تھا،نشہ کی زیادتی کے باعث ہلاک ہوا  ایک اور واقعے میں تھانہ لاری اڈا کی حدود گریٹراقبال پارک کے قریب سے نامعلوم شخص کی لاش برآمد ملی اطلاع ملنے پر پولیس نے موقع پر پہنچ کر شواہد اکٹھے کئے اور لاش کو تحویل میں لے لیا۔ متوفی کی عمر پینتیس سے چالیس سال معلوم ہوتی ہے  جو گریٹر اقبال پارک کے گیٹ نمبر پانچ کے قریب مردہ حالت میں پایا گیا،شناخت نہ ہونے پر نعش مردہ خانے منتقل کر دی گئی   موت کی وجوہات کا تعین پوسٹ مارٹم رپورٹ میں کیا جائے گا۔