سانحہ رحیم یار خان میں ملوث ملزموں کا کیا ہوگا، حافظ طاہر اشرفی کھل کر بول پڑے

اسلام آباد ( ڈیلی پاکستان آن لائن ) وزیر اعظم عمران خان کے معاون خصوصی حافظ طاہر اشرفی نے کہا کہ تمام مکاتب فکر کے علماءکرام نے رحیم یار خان واقعے کی بھرپور مذمت کی ہے ، سانحہ رحیم یار خان میں ملوث ملزموں کو سخت سزا دی جائے گی ۔
حافظ طاہر اشرفی نے کہا کہ آئین پاکستان اقلیتوں کو مکمل مذہبی آزادی دیتا ہے ، انتشار پھیلانے والے عناصر کے خلاف سخت کارروائی کی جائے گی ، عوام سے گزارش ہے کہ کسی قسم کی بھی فواہ پر کان نہ دھریں ، مظلوم کشمیریوں اور فلسطینیوں سے بھی بھرپور اظہار یکجہتی کیا ہے ۔
وزیر اعظم کے معاون خصوصی نے محرم الحرام سے متعلق کہا کہ امن و امان کی صورتحال برقرار رکھنے کیلئے علماءکرام سے مشاورت کی ہے ۔