ادا کار ہ نے ایتھلیٹ ارشد ندیم کو کرکٹر قرار دے کر تعریفوں کے پل باندھ دئیے ،ویڈیو نے سوشل میڈ یا پر تہلکہ مچادیا
اسلام آباد(ڈیلی پاکستان آن لائن )ادا کارہ میرا نے اولمپکس میں جیولن تھرو میں پانچویں نمبر پر آنے والے پاکستانی ایتھلیٹ ارشد ندیم کی تعریف کرتے ہوئے انہیں ایتھلیٹ کے بجائے کرکٹر قرار دے دیا۔
سوشل میڈیا پر وائرل ہونے والی ویڈیو میں میرا کو یہ کہتے ہوئے سنا جاسکتا ہے ’ارشد ندیم نے بہت اچھی کرکٹ کھیلی، پاکستان کا نام روشن کیا'۔میرا نے کہا کہ انہوں نے بہت اچھا کھلا، بڑی محنت نظر آرہی تھی، ان کی جو باڈی لینگویج تھی اس میں بڑی دیانتداری، ایمانداری اور ڈسپلن تھا۔اداکارہ میرا نے حکومت سے اپیل بھی کی کہ وہ 'پاکستان کے لیے کھیلنے والے ہمارے ہیروز کی قدر کرے، چاہے وہ فلم انڈسٹری کے لوگ ہوں یا ہماری کرکٹ میں جو ہیروز ہیں۔
واضح رہے کہ ارشد ندیم اولمپکس کے جیولین تھرو کے مقابلے میں سونے کے تمغے کے حصول کے لیے فائنل میں 12 ایتھلیٹس میں جگہ بنانے میں کامیاب رہے تھے۔فائنل میں سونے کے تمغے کے لیے ارشد کا مقابلہ عالمی نمبر ایک جرمنی کے جوہانس ویٹر اور 97.76 میٹر کی طویل تھرو پھینکنے والے عالمی نمبر دو جمہوریہ چیک کے جان زیلزنی سے ہوا۔بعدازاں ارشد ندیم کی چھ میں سے دو تھرو ضائع ہوئیں اور اس طرح سے وہ جیولین تھرو کے مقابلے میں پانچویں نمبر پر رہے تھے۔
ارشد ندیم نے بہت اچھی کرکٹ کھیلی اور پاکستان کا نام روشن کیا
— Ambreen Fatima (@AmbreenFatimaAA) August 8, 2021
فلمسٹار مِیرا ???? pic.twitter.com/qpI29RiRWX
