وفاق بلوچستان حکومت سے ملکر سیلاب متاترین کو طبی سہولیات کی فراہمی کیلئے پُر عزم، عبدالقادر پٹیل
کوئٹہ(آئی این پی) سیلاب متاثرین کے مفت علاج معالجے کے لیے پمز ہسپتال کی 12 رکنی ڈاکٹرز کی ٹیم لسبیلہ پہنچ گئی ترجمان وزارت صحت کے مطابق محکمہ ہیلتھ لسبیلہ کے تعاون سے آج ڈسٹرکٹ ہیڈ کوارٹر ہسپتال اوتھل اور رورل ہیلتھ سینٹر لاکھڑا میں فری میڈیکل کیمپ لگایا جائے گا کیمپ میں پمزکے ماہر ڈاکٹرز جن میں جنرل فزیشن، جنرل سرجن، نیورو سرجن، آرتھو پیڈک سمیت دیگر شامل ہیں مریضوں کا مفت علاج و معالجہ کیا جائیگا اور فری ادویات فراہم کی جائیں گی ڈاکٹرز کی ٹیموں نے عوام کو طبی سہولیات فراہم کرنے کا سلسلہ شروع کر دیا ہے وفاقی وزیر عبدالقادر پٹیل کا کہنا ہے کہ وفاقی وزارت صحت صوبائی حکومت کے ساتھ ملکر طبی سہولیات کی فراہمی کے لیے پر عزم ہے، وزارت صحت کے ماتحت ادارے صوبائی وزارت صحت کے ساتھ مکمل رابطے میں ہیں، یوم عاشور کے فورا بعد ادویات کی دوسری بڑی کھیپ بلوچستان روانہ کی جائے گی۔
عبدالقادر پٹیل
