سکھر،10 محرم کو ممکنہ خطرات کے پیش نظر سیکیورٹی پلان تشکیل 

سکھر(ڈسٹرکٹ رپورٹر)ترجمان سکھر پولیس کے جاری کردہ بیان کے مطابق سکھر پولیس کی جانب سے10 محرم الحرام کو ممکنہ خطرات کے پیش نظر سیکیورٹی پلان تشکیل دے دیا گیاہے،جس کے مطابق جلوس کی گذرگاہوں سمیت دیگر راستوں کوخاردار تاریں اور رکاوٹیں لگا کر بند کیا جائیگاجلوس سے متصل تمام چھوٹے بڑے راستوں کو مکمل طور پر سیل کیا جائے گاماتمی جلوس کے لیئے ایک داخلی اور خارجی راستہ بنایا جائے گا جبکہ تین چیکنگ پوائنٹس سے عزاداروں کو مکمل جامعہ تلاشی کے بعد گزارا جائیگا10محرم الحرام کو 1400 سے زائد پولیس افسران و اہلکار 150 رینجرز آفیشل جبکہ 3 فوج کی کمپنیز اسٹینڈ بائے پر رہیں گی جبکہ 400  اسکاؤٹس جوان بھی فرائض انجامی نبھائیں گے10 محرم کو برآمد ہونے والے ماتمی جلوسوں کی سی سی ٹی وی کے ذریعے بھی نگرانی کی جائے گی ان کا کنٹرول روم روہڑی میں قائم کر دیا گیا ہے ماتمی جلوسوں کی گذرگاہوں میں آنے والی بلند عمارتوں پر رینجرز اور پولیس کے بہترین نشانے باز بھی تعینات کیئے جائینگے عزاداروں کے فرسٹ ایڈ کیلیے 9 میڈیکل کیمپ جبکہ 26 ایمرجنسی  ایمبولینسس اسٹینڈ بائے ہیں جلوسوں میں سادہ لباس خفیہ پولیس کے اہلکار حصار کی شکل میں سیکیورٹی کے فرائض انجام دینگے۔