آڈٹ کے سوال پر عمران خان نے میراگریبان پکڑ لیا 

ملتان (نیٹ نیوز)تحریک انصاف کیلئے فنڈز اکٹھے کرنیوالے پی ٹی آئی امریکہ کے سابق عہدیدار محبوب اسلم نے انکشاف کیا ہے کہ آڈٹ کے سوال پر عمران خان نے میرا گریبان پکڑلیا۔ نجی ٹی وی سے گفتگو میں انہوں نے کہاکہ پارٹی فنڈ کا آڈٹ کرنیوالے آڈیٹر نے بتایا کہ میرے ہاتھ بندھے ہیں مجھے صرف انکم کا ریکارڈ دکھایا جاتا ہے، رقم خرچ کہاں ہوتی ہے اسکا کچھ علم نہیں، عمران خان سے ملاقات میں پارٹی فنڈنگ(بقیہ نمبر41صفحہ6پر)
 کے آڈٹ کوجھرلو اور جعلی کہا تو عمران خان غصے میں آگئے اور انہوں نے کرسی سے اٹھ کر میرا گریبان پکڑلیا۔محبوب اسلم نے کہا جب ہم پی ٹی آئی کی ممبر سازی کرتے تھے تو اسکے ساتھ فنڈ ریزنگ بھی ہوتی تھی پارٹی کی ممبر شپ فیس 10 ڈالر ماہانہ مقرر تھی اور ممبر بننے کیلئے 120 ڈالر دینا پڑتے تھے۔محبوب اسلم نے کہا کہ”پی ٹی آئی یو ایس ایل ایل سی“کے نام سے ایک کمپنی بنائی گئی تھی جس میں سارا پیسہ جمع ہوتا اورپاکستان چلا جاتا تھا، امریکہ میں مجموعی طور پر ساڑھے3 ملین ڈالر کا فنڈ جمع کیا۔محبوب اسلم نے کہا کہ 2013 میں حفیظ اللہ نیازی نے مجھ سے ملاقات کی جو اکبر ایس بابر کے گھر ہوئی تھی، انہوں نے کچھ افراد کی بینک سٹیٹمنٹس میرے سامنے میں رکھیں جو پی ٹی آئی کے ملازم تھے جن کی تنخواہیں 15 بیس ہزار تھیں لیکن انکے اکاؤنٹس میں لاکھوں روپے موجود تھے۔انہوں نے کہا کہ اکبر ایس بابر نے مجھے بتایا کہ باہر سے جو پیسہ آتا ہے وہ پارٹی اکاؤنٹس کے بجائے پرائیویٹ اکاؤنٹس میں جاتا ہے۔ سیف اللہ نیازی اور عامر کیانی وغیرہ نے اس پیسے سے ریئل سٹیٹ کے بزنس کئے اور بنی گالہ کے آس پاس کافی زمین خریدی گئی ہے۔
گریبان پکڑلیا