چھوٹے دکانداروں پر بوجھ پڑ رہا تھا ،فکسڈ ٹیکس سے متعلق دوبارہ غور کر رہے ہیں، عائشہ غوث

چھوٹے دکانداروں پر بوجھ پڑ رہا تھا ،فکسڈ ٹیکس سے متعلق دوبارہ غور کر رہے ہیں، ...
چھوٹے دکانداروں پر بوجھ پڑ رہا تھا ،فکسڈ ٹیکس سے متعلق دوبارہ غور کر رہے ہیں، عائشہ غوث

  

اسلام آباد (ڈیلی پاکستان آن لائن )وزیرِ مملکت برائے خزانہ عائشہ غوث پاشا کا کہنا ہے کہ دکانوں پر ٹیکس سے متعلق کچھ تاجروں کے تحفظات تھے، چھوٹے دکانداروں پر  زیادہ بوجھ پڑ  رہا تھا اس لیے فکسڈ ٹیکس سے متعلق دوبارہ غور کر رہے ہیں۔

نجی ٹی وی "جیو نیوز "سے گفتگو کرتے ہوئے وزیرِ مملکت برائے خزانہ عائشہ غوث پاشا کا کہنا تھا کہ عارضی طور پر فکسڈ ٹیکس کو گزشتہ رجیم پر لے گئے ہیں، ستمبر تک معاملے کو مزید بہتر کیا جائے گا، آئی ایم ایف بھی ٹیکس نیٹ بڑھانے کی بات کر رہا ہے۔

وزیر مملکت برائے خزانہ کا مزید کہنا تھا کہ دکانوں پرٹیکس سے متعلق کچھ تاجروں کے تحفظات تھے، چھوٹے دکانداروں پر زیادہ بوجھ پڑ رہا تھا اس لیے ٹیکس سے متعلق دوبارہ غور کر رہے ہیں، ایسا نہیں ہے کہ کسی طبقے کو ٹیکس چھوٹ مل رہی ہے، ملک کو خود مختار بنانا ہے تو سب کو اپنا کردار ادا کرنا ہوگا،عائشہ غوث پاشا نے کہا کہ ملک کو بہتری کی جانب لے جانے کے لیے زیادہ وسائل والوں کو زیادہ ٹیکس دینا ہو گا۔

مزید :

اہم خبریں -قومی -