وزیراعظم شہباز شریف ایک روزہ دورے پر کراچی روانہ
اسلام آباد(ڈیلی پاکستان آن لائن)وزیراعظم شہباز شریف ایک روزہ دورے پر کراچی روانہ ہوگئے۔
نجی ٹی وی چینل دنیا نیوز کے مطابق وزیراعظم کراچی میں دوسری بین الاقوامی فوڈ اینڈ ایگریکلچر نمائش کی افتتاحی تقریب میں شرکت کریں گے، وزیرِ اعظم تقریب سے خطاب بھی کریں گے۔
دورہ کراچی کے دوران وزیراعظم ملک گیر انسداد پولیو مہم کی اپیکس کمیٹی کے اجلاس کی صدارت کریں گے، شہباز شریف پاکستان میں کاروبار کرنے والی بین الاقوامی کمپنیوں کے نمائندوں کے وفد سے ملاقات بھی کریں گے۔
