لاہور،انتظامیہ نے مینار پاکستان کے گراؤنڈ میں پانی چھوڑ دیا

لاہور،انتظامیہ نے مینار پاکستان کے گراؤنڈ میں پانی چھوڑ دیا

  IOS Dailypakistan app Android Dailypakistan app


لاہور(آئی این پی)ضلعی انتظامیہ نے مینار پاکستان کے گرانڈ میں پانی چھوڑ دیا ہے جہاں پاکستان ڈیموکریٹک مومنٹ (پی ڈی ایم)13دسمبر کو جلسہ کرنے جارہی ہے۔پاکستان مسلم لیگ (ن) کی انتظامی کمیٹی جب مینار پاکستان پہنچی تو انتظامیہ نے صبح سے ہی گراؤنڈ میں پانی چھوڑ دیا تھا۔مینار پاکستان کے گراؤنڈ میں پانی چھوڑنے پر رد عمل دیتے ہوئے پاکستان مسلم لیگ (ن)کی نائب صدر مریم نواز نے کہا ہے کہ حکومت کے پاؤں اکھڑ گئے ہیں اور جان نکل چکی ہے۔ یہ نا صرف تابعدار خان کا خوف ہے بلکہ حکومت ختم ہونے کا یقین ہے۔ وہ جانتا ہے وہ جا رہا ہے۔ انشااللہ جلسہ بھی ہو گا اور حکومت گھر بھی جائے گی۔ دوسری جانب لاہور کے گریٹر اقبال پارک میں پانی چھوڑنے کے معاملہ پر پی ایچ اے انتظامیہ نے ن لیگ کے الزامات کو مسترد کرتے ہوئے کہا ہے کہ معمول کے مطابق پارک میں لگی گھاس کو پانی دیا گیا ہے۔چیئرمین پی ایچ اے  یاسر گیلانی کے مطابق گریٹر اقبال پارک میں روزانہ کی بنیاد پر گھاس کو سرسبز کرنے کے لیے پانی چھوڑ دیا جاتا ہے۔خیال رہے کہ کورونا کے بڑھتے ہوئے کیسز کے سبب ضلعی انتظامیہ نے پی ڈی ایم کو گریٹر اقبال پارک اور مینار پاکستان میں جلسہ کرنے کی اجازت نہیں دی ہے۔
 پانی چھوڑ دیا

مزید :

صفحہ اول -