رکن اسمبلی علی حیدر گیلانی نے اپنا استعفیٰ پارٹی قیادت کو بھیج دیا
ملتان(ڈیلی پاکستان آن لائن)پیپلزپارٹی سے تعلق رکھنے والے رکن پنجاب اسمبلی علی حیدر گیلانی نے اپنا استعفیٰ پارٹی چیئرمین بلاول بھٹو زرداری کو بھجوا دیا ہے۔
نجی ٹی وی ہم نیوز کے مطابق سابق وزیراعظم یوسف رضا گیلانی کے صاحبزادے ملتان کے صوبائی حلقے پی پی211 سے منتخب رکن اسمبلی ہیں۔سید علی حیدر گیلانی نے اپنے استعفے کی بابت اطلاع سماجی رابطے کی ویب سائٹ پر بھی دی ہے۔
To further the democratic struggle in Pakistan and my belief in your political far sightedness. @BBhuttoZardari Please Accept my resignations which will be reaching you shortly. @MediaCellPPP pic.twitter.com/FGWYH5UhHl
— Ali Haider Gilani (@ahaidergilani86) December 8, 2020
واضح رہے کہ پی ڈی ایم کے سربراہی اجلاس میں فیصلہ کیا گیا ہے کہ تمام اراکین پارلیمنٹ 31 دسمبر تک اپنے استعفے پارٹی قیادت کو جمع کرادیں گے۔اس بات کا اعلان پی ڈی ایم کے سربراہ مولانا فضل الرحمان نے سربراہی اجلاس کے اختتام پر منعقدہ پریس کانفرنس سے خطاب کرتے ہوئے کیا ہے۔پاکستان مسلم لیگ (ن) کے اراکین اسمبلی کی جانب سے استعفے پیش کیے جانے کا سلسلہ پہلے ہی شروع ہو چکا ہے۔ن لیگ کے ایم این اے و ایم پی اے افضل کھوکھر اور سیف الملوک کھوکھر کی جانب سے استعفے اپنی قیادت کو بھجوا دیئے گئے ہیں۔سرگودھا سے تعلق رکھن ےوالے لیگی ایم این اے چوہدری حامد حمید نے بھی اپنا استعفیٰ پیش کردیا ہے۔