بھارت میں ہیلی کاپٹر تباہ لیکن جنرل راوت کی آخری رسومات کب ادا کی جائیں گی ؟ پتہ چل گیا

بھارت میں ہیلی کاپٹر تباہ لیکن جنرل راوت کی آخری رسومات کب ادا کی جائیں گی ؟ ...
بھارت میں ہیلی کاپٹر تباہ لیکن جنرل راوت کی آخری رسومات کب ادا کی جائیں گی ؟ پتہ چل گیا

  IOS Dailypakistan app Android Dailypakistan app

نئی دہلی (ویب ڈیسک) ہیلی کاپٹر حادثے میں ہلاک ہونے والے بھارت کے پہلے ( سی ڈی ایس ) چیف آف ڈیفنس اسٹاف جنرل بپن راوت اور ان کی اہلیہ کی آخری رسومات جمعہ 10 دسمبر کو ادا کی جائیں گی، یہ بات  بھارتی ذرائع ابلاغ  نے بتائی ۔ 

آخری رسومات بھارتی دارالحکومت نئی دہلی میں کینٹ کے علاقے میں ادا کی جائیں گی۔ بھارتی ملٹری حکام کے مطابق جنرل راوت، ان کی اہلیہ اور دیگر ہلاک افراد کی باقیات کو آج بروز جمعرات 9 دسمبر کو بذریعہ  فوجی ہوائی جہاز سے نئی دہلی منتقل کردیا گیا ہے۔ جہاں سے ان کی باقیات جمعہ کے گھر منتقل کی جائیں گی، جہاں دن 11 سے دن 2 بجے تک لوگ ان کا آخری دیدار کرسکیں گے۔

جمعرات کے روز نئی دہلی میں مرنے والوں کی باقیات پر پھول چڑھانے کی تقریب بھی منعقد ہوگی۔بدقسمت ہیلی کاپٹر کا خوش قسمت مسافرہیلی کاپٹر حادثے میں واحد بچ جانے والے ڈی ایس ایس سی ڈائریکٹنگ اسٹاف گروپ کیپٹن وارن سنگھ ملٹری ہسپتال ویلنگٹن میں زیر علاج ہے، جہاں ان کا علاج جاری ہے۔ گروپ کیپٹن ورون سنگھ کو اس سال یوم آزادی کے موقع پر سوریا چکرا سے نوازا گیا۔ انہیں یہ اعزاز 2020 میں فضائی ایمرجنسی کے دوران اپنے ایل سی اے تیجس لڑاکا طیارے کو بچانے پر ملا۔


خبر رساں ایجنسی اے این آئی کے مطابق وزیر دفاع راج ناتھ سنگھ جمعرات کو پارلیمان کے دونوں ایوانوں میں تمل ناڈو میں فوجی ہیلی کاپٹر کے حادثے کے بارے میں بیان دیں گے۔

انڈین فضائیہ کا کہنا ہے کہ اس حادثے کی تحقیقات کا حکم دے دیا گیا ہے۔ آل انڈیا ریڈیو کے مطابق وزیر دفاع راج ناتھ سنگھ جمعرات کو پارلیمنٹ میں اس حادثے کے بارے میں مزید معلومات دیں گے، جب کہ انہوں نے نئی دہلی میں جنرل راوت کی رہائش گاہ پر ان کے اہل خانہ سے ملاقات کی ہے۔ مقامی لوگوں نے 80 فیصد جھلسنے والی 2 لاشوں کو مقامی ہسپتال منتقل کیا۔