ویرات کوہلی کو کپتانی سے کیوں ہٹایا گیا؟ بھارتی کرکٹ بورڈ کے سربراہ نے وجہ بتادی

ویرات کوہلی کو کپتانی سے کیوں ہٹایا گیا؟ بھارتی کرکٹ بورڈ کے سربراہ نے وجہ ...
ویرات کوہلی کو کپتانی سے کیوں ہٹایا گیا؟ بھارتی کرکٹ بورڈ کے سربراہ نے وجہ بتادی

  

نئی دہلی(ڈیلی پاکستان آن لائن)بھارتی کرکٹ بورڈ( بی سی سی آئی ) کے صدر سارو گنگولی نے ویرات کوہلی کو ون ڈے ٹیم کی کپتانی سے ہٹائے جانے کی وجہ بتائی ہے۔

کرکٹ کی معروف ویب سائٹ کرک انفو کے مطابق سارو گنگولی کا کہنا تھا کہ ہم نے ویرات کوہلی سے درخواست کی تھی کہ وہ ٹی 20 ٹیم کی کپتانی سے استعفی نہ دیں، مگر وہ ٹی 20 فارمیٹ میں مزید کپتانی نہیں کرنا چاہتے تھے، جس کے بعد سلیکٹرز کا خیال تھا کہ وائٹ بال کے دو فارمیٹس میں دو الگ الگ کپتان نہیں ہوسکتے۔

واضح رہے کہ بھارتی بورڈ کی جانب سے گزشتہ روز ٹی 20 کے بعد ویرات کوہلی کو ون ڈے فارمیٹ کی کپتانی سے بھی ہٹادیا گیا تھا اور ان کی جگہ روہت شرما کو ٹیم کا کپتان مقرر کیا گیاہے۔ویرات کوہلی صرف ٹیسٹ ٹیم کی کپتانی کریں گے۔

مزید :

کھیل -اہم خبریں -