کراچی کے خالی کوارٹر سے بچے کی کئی روز پرانی مسخ شدہ لاش برآمد

کراچی کے خالی کوارٹر سے بچے کی کئی روز پرانی مسخ شدہ لاش برآمد
کراچی کے خالی کوارٹر سے بچے کی کئی روز پرانی مسخ شدہ لاش برآمد

  

 کراچی(آئی ا ین پی ) گلشن اقبال کے علاقے  سکاؤٹ کالونی بخش علی گوٹھ میں خالی کوارٹر سے کئی روز پرانی مسخ شدہ لاش برآمد ہوئی ہے۔ پولیس کے مطابق فوری طور پر اس بات کا تعین نہیں ہو سکا کہ ملنے والی لاش کمسن بچی کی ہے یا بچے کی  تاہم تعفن اٹھنے پر مکینوں نے پولیس کو اطلاع دی  جس پر تالا توڑا اور اندر جا کر دیکھا تو لاش پڑی تھی، جس کی عمر تقریباً 6 سال معلوم ہوئی ہے۔لاش کو پوسٹ مارٹم کے لیے عباسی شہید ہسپتال منتقل کردیا گیا ہے۔

ایس ایچ او نے بتایا کہ ابتدائی تحقیقات میں پتا چلا ہے کہ کوارٹر آمنہ نامی خاتون کا ہے جس نے چند ماہ قبل سیلاب متاثرین کو دیا تھا جو مالک مکان کو بتائے بغیر تالا لگا کر چلے گئے۔ کوارٹر 15 روز سے خالی اور بند تھا۔ پولیس نے کوارٹر کی مالکن آمنہ سے رابطہ کرلیا، جس کے بعد کرایے دار کے حوالے سے مزید معلومات حاصل کی جا رہی ہیں کہ اس نے کس کی معرفت سے کوارٹر کرایے پر دیا تھا ۔

مزید :

علاقائی -سندھ -کراچی -